2020 October 24 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഡല്‍ഹിയിലെ അന്തരീക്ഷ മലിനീകരണം: ഏകാംഗ കമ്മിഷനെ നിയോഗിച്ച് സുപ്രിംകോടതി

ന്യൂഡല്‍ഹി: ഡല്‍ഹിയിലെ അന്തരീക്ഷ മലിനീകരണത്തിനു പിന്നില്‍ അയല്‍ സംസ്ഥാനങ്ങളിലെ കര്‍ഷകരാണെന്ന ആരോപണം അന്വേഷിക്കുന്നതിന് സുുപ്രിംകോടതി ഏകാംഗ കമ്മിഷനെ നിയോഗിച്ചു. റിട്ടയേര്‍ഡ് സുപ്രിംകോടതി ജഡ്ജി മദന്‍ ബി. ലോക്കൂറിനെയാണ് കോടതി ചുമതലപ്പെടുത്തിയത്. ഏകാംഗ കമ്മിഷനെ നിയോഗിക്കുന്നതില്‍ കേന്ദ്രം എതിര്‍പ്പറിയിച്ചെങ്കിലും അതു പരിഗണിക്കാതെയാണ് സുപ്രിംകോടതിയുടെ തീരുമാനം.
പഞ്ചാബ്, ഹരിയാന, ഉത്തര്‍പ്രദേശ് തുടങ്ങിയ സംസ്ഥാനങ്ങളിലെ പാടങ്ങളില്‍ വൈക്കോലുകള്‍ അടക്കമുള്ളവ കൂട്ടിയിട്ടു കത്തിക്കുന്നതിനാലാണ് ഡല്‍ഹിയില്‍ അന്തരീക്ഷ മലിനീകരണമുണ്ടാകുന്നതെന്നാണ് ആരോപണം. വിഷയത്തില്‍ കമ്മിഷന്റെ അന്വേഷണവുമായി സഹകരിക്കാന്‍ സംസ്ഥാനങ്ങള്‍ക്കു ചീഫ് ജസ്റ്റിസ് എസ്.എ ബോബ്‌ഡെയുടെ നേതൃത്വത്തിലുള്ള ബെഞ്ച് നിര്‍ദേശം നല്‍കി. കമ്മിഷന്‍ 15 ദിവസത്തിനകം റിപ്പോര്‍ട്ട് സമര്‍പ്പിക്കണം. ഹരജി ഈ മാസം 26നു വീണ്ടും പരിഗണിക്കുമെന്നും കോടതി വ്യക്തമാക്കി.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News