2022 January 26 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ട്രംപിന്റെ തെരഞ്ഞെടുപ്പ് റാലികള്‍ ‘കൊന്നത്’ 700 പേരെ!

 

വാഷിങ്ടണ്‍: യു.എസില്‍ കൊവിഡ് പ്രതിരോധ നടപടികളെ വിലകുറച്ചു കാണുന്ന പ്രസിഡന്റ് ഡൊണാള്‍ഡ് ട്രംപിന്റെ തെരഞ്ഞെടുപ്പ് റാലികള്‍ 30000 ലെറെ പേര്‍ക്ക് കൊവിഡ് ബാധിക്കാന്‍ കാരണമായതായി പഠനം. 700 ഓളം പേര്‍ രോഗം ബാധിച്ച് മരിക്കാനും ട്രംപ് നയിച്ച റാലികള്‍ കാരണമായെന്നും പഠനം പറയുന്നു.
സ്റ്റാന്‍ഫോര്‍ഡ് യൂനിവേഴ്‌സിറ്റി നടത്തിയ പഠനത്തിലാണ് ഈ വെളിപ്പെടുത്തല്‍.
ഇക്കഴിഞ്ഞ ജൂണ്‍ 20 മുതല്‍ സെപ്റ്റംബര്‍ 22 വരെ 18 ഓളം റാലികളാണ് ട്രംപ് നടത്തിയത്. ആളുകള്‍ കൂട്ടംകൂടുന്നത് കൊവിഡ് വ്യാപനം വര്‍ധിപ്പിക്കുമെന്ന മുന്നറിയിപ്പുകള്‍ നിലനില്‍ക്കെയായിരുന്നു ഇത്. റാലികള്‍ കൊവിഡ് പ്രതിരോധ പ്രവര്‍ത്തനങ്ങള്‍ ഏകോപിപ്പിക്കുന്നതില്‍ തടസമുണ്ടാക്കുന്നുണ്ടെന്നും രാജ്യം ഇതിന് കനത്ത വില നല്‍കേണ്ടി വരുമെന്നും പഠന റിപ്പോര്‍ട്ടില്‍ പറയുന്നു.
റാലികളില്‍ ആയിരക്കണക്കിന് പേരാണ് പങ്കെടുത്തത്. ചിലപ്പോള്‍ അത് പതിനായിരത്തിലേറെയുമായിരുന്നു. റാലികളില്‍ മാസ്‌കും സാമൂഹിക അകലവും കൃത്യമായി പാലിച്ചിരുന്നില്ല.
ഇത് രോഗവ്യാപനം വര്‍ധിക്കാന്‍ കാരണമായെന്നും പഠനത്തില്‍ വ്യക്തമാക്കുന്നു.
റിപ്പോര്‍ട്ട് പുറത്ത് വന്നതിന് പിന്നാലെ സ്വന്തം പാര്‍ട്ടിക്കാരെ കുറിച്ച് പോലും ട്രംപിന് ശ്രദ്ധയില്ലെന്ന വിമര്‍ശനവുമായി ഡെമോക്രാറ്റിക് സ്ഥാനാര്‍ഥി ജോ ബൈഡന്‍ രംഗത്തെത്തി.
ട്രംപിന്റെ പ്രചാരണ റാലികള്‍ വൈറസിന്റെ സൂപര്‍ സ്പ്രഡെര്‍ ആണെന്ന് ജോ ബൈഡന്‍ നേരത്തെ ആരോപിച്ചിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.