2021 January 23 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ജൈവോത്സവത്തിന് വയനാട്ടില്‍ നിന്നുള്ള പച്ചക്കറികളും

നീലേശ്വരം: നല്ലത് വാങ്ങൂ നല്ലത് കഴിക്കൂ എന്ന മുദ്രാവാക്യമുയര്‍ത്തി നീലേശ്വരം നഗരസഭ സംഘടിപ്പിക്കുന്ന ജൈവോത്സവത്തിന് വയനാട്ടില്‍ നിന്നുള്ള പച്ചക്കറികളും എത്തും. ഇവിടുത്തെ അംഗീകൃത ജൈവകൃഷി ഫാമുകളില്‍ നിന്നുള്ള വെണ്ട, പടവലം, പയര്‍, കോളിഫ്‌ലവര്‍, കക്കിരി എന്നിവയാണ് എത്തുക.

നഗരസഭാ കൗണ്‍സിലര്‍മാരായ എ.വി സുരേന്ദ്രന്‍, കെ.പി കരുണാകരന്‍, ക്ലാര്‍ക് ഇ.എം നസീര്‍ എന്നിവരുടെ നേതൃത്വത്തിലാണ് പച്ചക്കറികള്‍ ശേഖരിക്കുന്നത്. പച്ചക്കറികള്‍ക്കു പുറമേ വനപ്രദേശങ്ങള്‍ക്കടുത്തുള്ള വയലുകളില്‍ കൃഷി ചെയ്യുന്ന ഗന്ധകശാല എന്ന അരിയും ജൈവോത്സവത്തിലുണ്ടാകും.
ചാമ, നവര, രക്തശാലി തുടങ്ങിയ നെല്ലിനങ്ങളും സംഭരിക്കും. ഇവയ്ക്കു പുറമേ മുളയരി, കാട്ടുതേന്‍, താളിപ്പൊടി, പനംചക്കര, മുളംകൂമ്പ് അച്ചാര്‍, ചമ്മന്തിപ്പൊടി, മുളയരിപ്പായസം തുടങ്ങിയവയും ജൈവോത്സവത്തിലെ ആകര്‍ഷകങ്ങളാകും. തൃക്കൈപ്പറ്റ കുടുംബശ്രീയാണ് ഇവ എത്തിക്കുന്നത്.
കുടുംബശ്രീ ജില്ലാ കോഓഡിനേറ്റര്‍ പി.പി മുഹമ്മദ്, ഹോം മാര്‍ക്കറ്റ് ഭാരവാഹികളായ പി.യു വിജയന്‍ നമ്പൂതിരി, അരുണ്‍കുമാര്‍, ഉറവ് പ്രതിനിധി മേരി എല്‍ദോ എന്നിവരും സംഘത്തെ അനുഗമിക്കുന്നുണ്ട്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.