2020 September 21 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ചൈനയില്‍ മരണം 1,100 കടന്നു

ബെയ്ജിങ്: ലോകത്തെ ആശങ്കയിലാഴ്ത്തി ചൈനയില്‍ കൊറോണ വൈറസ് ബാധിച്ച് മരിച്ചവരുടെ എണ്ണം 1100 കടന്നു. ഹൂബെ പ്രവിശ്യയില്‍ 97 പേര്‍ കൂടി മരിച്ചതായി ചൈനീസ് അധികൃതര്‍ അറിയിച്ചു. ഇതോടെ മരണസംഖ്യ 1113 ആയി.
അതേസമയം ചൈനയില്‍ വ്യാപക മരണം വിതയ്ക്കുന്ന നോവല്‍ കൊറോണ വൈറസിന് ലോകാരോഗ്യസംഘടന പുതിയ പേര് നിര്‍ദേശിച്ചു. വൈറസിന് കൊവിഡ്-19 (സി.ഒ.വി.ഐ.ഡി-19) എന്ന് നാമകരണം ചെയ്തതായി ലോകാരോഗ്യസംഘടനാ മേധാവി ടെഡ്രോസ് അധനോം അറിയിച്ചു. കൊറോണ വൈറസ് ഡിസീസ് എന്നതിന്റെ ചുരുക്കരൂപമാണ് കൊവിഡ്. പല രാജ്യങ്ങളിലും കൊറോണ വൈറസിനു വിവിധ പേരുകളുള്ളതിനാല്‍ ആശയക്കുഴപ്പം ഒഴിവാക്കാനാണ് പുതിയ പേരെന്ന് അദ്ദേഹം പറഞ്ഞു. വൈറസ് ഇപ്പോഴും ഗുരുതരമായി തുടരുന്നതായി ലോകാരോഗ്യസംഘടന വിലയിരുത്തി. ചൈനയിലെ ഹൂബെ പ്രവിശ്യയുടെ തലസ്ഥാനമായ വുഹാനില്‍ നിന്നാണ് ഡിസംബര്‍ അവസാനത്തില്‍ കൊറോണ വൈറസ് ആദ്യം റിപോര്‍ട്ട് ചെയ്യപ്പെട്ടത്. രോഗം നിയന്ത്രണാതീതമായതോടെ ഹൂബെയിലെ എല്ലാ നഗരങ്ങളും ചൈനീസ് സര്‍ക്കാര്‍ അടച്ചിട്ടിരിക്കുകയാണ്. ഇവിടങ്ങളില്‍ പൊതു ഗതാതവും നിരോധിച്ചിട്ടുണ്ട്. ചൈനയ്ക്കു പുറത്ത് ഇതു വരെ രണ്ടു കൊറോണ മരണങ്ങള്‍ മാത്രമാണ് റിപോര്‍ട്ട് ചെയ്യപ്പെട്ടത്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.