2021 April 16 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഗ്രൂപ്പിസം അവസാനിപ്പിക്കൂ, പ്ലീസ്…ഉമ്മന്‍ ചാണ്ടിയോടും ചെന്നിത്തലയോടും തരൂര്‍

 

തിരുവനന്തപുരം: കേരളത്തിലെ എല്‍.ഡി.എഫ് സര്‍ക്കാരിനെയും കോണ്‍ഗ്രസിലെ ഗ്രൂപ്പ് രാഷ്ട്രീയത്തെയും വിമര്‍ശിച്ച് ശശിതരൂര്‍.
സംസ്ഥാന കോണ്‍ഗ്രസിലെ ഗ്രൂപ്പിസം അവസാനിപ്പിക്കണമെന്ന് ഒരു വാര്‍ത്താ ചാനലിനു നല്‍കിയ പ്രത്യേക അഭിമുഖത്തില്‍ അദ്ദേഹം പറഞ്ഞു.
ഗ്രൂപ്പ് അടിസ്ഥാനമാക്കിയാകരുത് പാര്‍ട്ടി പരിഗണനകള്‍. ഗ്രൂപ്പ് മാനദണ്ഡമാകുമ്പോഴാണ് പാര്‍ട്ടിയുടെ കെട്ടുറപ്പ് നഷ്ടമാകുന്നത്. അതൊഴിവാക്കി മുന്നോട്ടുപോകാനാവണമെന്ന് ഉമ്മന്‍ ചാണ്ടിയോടും രമേശ് ചെന്നിത്തലയോടും അദ്ദേഹം അഭ്യര്‍ത്ഥിച്ചു.
താന്‍ ഗ്രൂപ്പ് വിശ്വാസിയല്ല. അത്തരം യോഗങ്ങളില്‍ പങ്കെടുത്തിട്ടില്ല. സീറ്റോ സ്ഥാനങ്ങളോ ഗ്രൂപ്പാണ് നിര്‍ണയിക്കുന്നതെന്നത് ശരിയായ നിലപാടല്ല. സ്ഥാനങ്ങള്‍ ഗ്രൂപ്പാണ് നിര്‍ണയിക്കുന്നതെങ്കില്‍ പാര്‍ട്ടിയെന്തിനാണ്? അതു പാര്‍ട്ടിയെയാണ് ഇല്ലാതാക്കുക. നേമം ഗുജറാത്താകില്ല. കിറ്റ് കൊടുക്കുന്നതല്ല സര്‍ക്കാരിന്റെ ഉത്തരവാദിത്വം.
നേമത്തിറങ്ങാന്‍ ഹൈക്കമാന്‍ഡ് പറഞ്ഞെങ്കില്‍ സ്വീകരിക്കുമായിരുന്നു. നേമത്തെ മുരളിയുടെ വരവ് ബി.ജെ.പിക്കെതിരേ കോണ്‍ഗ്രസ് നല്‍കുന്ന വ്യക്തമായ സന്ദേശമാണ്. കേരളം കടത്തില്‍ മുങ്ങി നില്‍ക്കുകയാണ്. മുഖ്യമന്ത്രിയുടെ ഓഫിസിലടക്കം അഴിമതിയാണ്. ഇടതുഭരണത്തില്‍ ജനങ്ങളെ നാണംകെടുത്തുന്ന കാര്യങ്ങളാണ് നടന്നത്. കേരളത്തില്‍ നിക്ഷേപകര്‍ക്ക് അടിസ്ഥാന സൗകര്യം ഇപ്പോഴുമില്ല. ഏകജാലകം ഫലപ്രദമല്ല. ഇത്രയും മതിയോ കേരളത്തിനെന്ന് ജനങ്ങള്‍ ചിന്തിക്കണം.
പത്തൊമ്പതാം നൂറ്റാണ്ടിലെ തത്ത്വശാസ്ത്രം കേരളം തള്ളിക്കളയണം. എല്‍.ഡി.എഫ് സര്‍ക്കാരിലെ പല അഴിമതികളും പ്രശ്‌നങ്ങളും പ്രതിപക്ഷം പുറത്തുകൊണ്ടുവന്നതാണ്.
കേരളത്തിന്റെ ഭാവി നിര്‍ണയിക്കുന്ന തെരഞ്ഞെടുപ്പാണ് നിയമസഭയിലേക്കുള്ളത്. കോണ്‍ഗ്രസ് ചൂണ്ടിക്കാണിച്ചതിനാലാണ് ഇരട്ടവോട്ട് ക്രമക്കേട് പുറത്തുവന്നത്. അതിന് എല്ലാ തെളിവുകളുമുണ്ടെന്നും അദ്ദേഹം പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.