2022 May 20 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഗോവയില്‍ ആര്‍.എസ്.എസില്‍ നിന്ന് നാനൂറോളം പ്രവര്‍ത്തകര്‍ രാജിവെച്ചു

പനാജി: ആര്‍.എസ്.എസ് സംസ്ഥാന അധ്യക്ഷന്‍ സുഭാഷ് വെലിങ്കറെ പുറത്താക്കിയതില്‍ പ്രതിഷേധിച്ച്  ഗോവയില്‍ 400 ലേറെ ആര്‍എസ്എസ് പ്രവര്‍ത്തകര്‍ രാജിവെച്ചു. ഇന്നലെ വൈകീട്ടോടെയാണ് ഇത്രയും പ്രവര്‍ത്തകര്‍ ഒന്നിച്ച രാജി വെക്കുന്നതായി അറിയിച്ചത്.

പനാജിയില്‍ ഒരു സ്‌കൂള്‍ ഗ്രൗണ്ടില്‍ നേതാക്കളുമായി നടന്ന ആറ് മണിക്കൂറുകള്‍ നീണ്ട ചര്‍ച്ചക്ക് ശേഷമായിരുന്നു കൂട്ടരാജി. ജില്ലാ യൂണിറ്റുകള്‍, ഉപജില്ലാ യൂണിറ്റുകള്‍, ശാഖകള്‍ എന്നിവിടങ്ങളില്‍ നിന്നുള്ള പ്രവര്‍ത്തകരാണ് രാജി വെച്ചത്.

ഗോവയിലെ ഏറ്റവും സ്വാധീനമുള്ള ആര്‍എസ്എസ് നേതാവായിരുന്നു വെലിങ്കര്‍. ബിജെപി ദേശീയ അധ്യക്ഷന്‍ അമിത് ഷാ സംസ്ഥാനത്തെത്തിയപ്പോള്‍ കരിങ്കൊടി കാണിച്ചതിനെ തുടര്‍ന്നാണ് സുഭാഷ് വെലിങ്കറിനെ കഴിഞ്ഞ ദിവസം അധ്യക്ഷസ്ഥാനത്ത് നിന്ന് നീക്കിയത്. വെലിങ്കറിന്റെ നേതൃത്വത്തിലുള്ള ഭാരതീയ ഭാഷാ സുരക്ഷാ മഞ്ച് എന്ന സംഘടനയുടെ പ്രവര്‍ത്തകരാണ് കരിങ്കൊടി കാണിച്ചത്‌


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.