2022 May 29 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഗുണ്ടൂരില്‍ മണ്‍കൂന ഇടിഞ്ഞുതാഴ്ന്ന് ഏഴുപേര്‍ മരിച്ചു

ഗുണ്ടൂര്‍: ആന്ധ്രയിലെ ഗുണ്ടൂരില്‍ നിര്‍മാണത്തിലിരുന്ന ഷോപ്പിങ് കോംപ്ലക്‌സിനടുത്ത് മണ്‍കൂന ഇടിഞ്ഞുതാഴ്ന്ന് ഏഴു തൊഴിലാളികള്‍ മരിച്ചു. ഗുണ്ടൂരിലെ ലക്ഷ്മീപുരത്താണ് അപകടം.
തൊഴിലാളികള്‍ മതില്‍ കെട്ടുന്നതിനിടയില്‍ മണ്‍കൂന ഇടിഞ്ഞു താഴുകയായിരുന്നു. ഇതില്‍പെട്ട തൊഴിലാളികള്‍ ചെളിയില്‍ മുങ്ങിത്താഴുകയായിരുന്നു. ഒരു തൊഴിലാളി അത്ഭുതകരമായി രക്ഷപ്പെട്ടു.
അപകടത്തിനുതൊട്ടുപിന്നാലെ സമീപത്തെ ഒരു റെസ്റ്ററന്റിന്റെ മതിലും വലിയ ശബ്ദത്തോടെ ഇടിഞ്ഞു താഴ്ന്നു. മരണമടഞ്ഞവര്‍ പ്രതിപാഡ് മണ്ഡലിലെ ഗോട്ടിപാഡ് എസ്.സി കോളനിയിലുള്ളവരാണ്.
അതേസമയം മരണമടഞ്ഞവരുടെ ബന്ധുക്കള്‍ സാമൂഹ്യ ക്ഷേമ മന്ത്രി റവേല കിഷോര്‍ ബാബുവിന്റെ കാര്‍ ആക്രമിച്ചു. ജി.എം.സ സൂപ്രണ്ടിങ് എന്‍ജിനീയര്‍ ധനഞ്ജയ് റെഡ്ഡിയെ കയ്യേറ്റം ചെയ്തു. ജനങ്ങളെ നിയന്ത്രിക്കാന്‍ പൊലിസ് വളരെയേറെ പാടുപെട്ടതായും റിപ്പോര്‍ട്ടുകള്‍ പറയുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.