2020 December 02 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ക്രൈസ്തവ ദേവാലയങ്ങളില്‍ പെസഹ ആചരിച്ചു

തിരുവനന്തപുരം: നഗരത്തിലെ ക്രൈസ്തവ ദേവലയങ്ങളില്‍ ഇന്നലെ പെസഹ ആചരിച്ചു. പാളയം സെന്റ് ജോസഫ്‌സ് കത്തീഡ്രലില്‍ ഇന്നലെ വൈകിട്ട് 5.30ന് ആരംഭിച്ച തിരുവത്താഴ ദിവ്യബലിക്കും കാല്‍കഴുകല്‍ ശുശ്രൂഷയ്ക്കും തിരുവനന്തപുരം ലത്തീന്‍ അതിരൂപത ആര്‍ച്ച് ബിഷപ് ഡോ. എം. സൂസപാക്യം മുഖ്യകാര്‍മികനായി. പി.എം.ജിയിലുള്ള ലൂര്‍ദ് ഫൊറോന പള്ളിയില്‍ ഇന്നലെ വൈകിട്ട് ആറിന് ആരംഭിച്ച പെസഹാ തിരുകര്‍മങ്ങള്‍ക്ക് ഫാ. ജോസഫ് പകലോമറ്റം കാര്‍മികനായിരുന്നു.
പട്ടം സെന്റ്‌മേരീസ് കത്തീഡ്രലില്‍ ഇന്നലെ ഉച്ചകഴിഞ്ഞ് മൂന്നിന് ആരംഭിച്ച കാല്‍കഴുകല്‍ ശുശ്രൂഷയ്ക്ക് കര്‍ദിനാള്‍ മാര്‍ ബസേലിയോസ് ക്ലീമീസ് കാതോലിക്കാ ബാവ മുഖ്യകാര്‍മികനായി. പാളയം സമാധാനരാജ്ഞി ബസിലിക്കയില്‍ ഇന്നലെ രാവിലെ ആറിന് പ്രഭാത നമസ്‌കാരത്തോടെയാണ് പെസഹായുടെ തിരുകര്‍മങ്ങള്‍ ആരംഭിച്ചത്. ഏഴിന് പെസഹയോടനുബന്ധിച്ചുള്ള വിശുദ്ധ കുര്‍ബാന ഉണ്ടായിരുന്നു.
പോങ്ങുംമൂട് വിശുദ്ധ അല്‍ഫോന്‍സാ പള്ളിയില്‍ ഇന്നലെ വൈകിട്ട് അഞ്ചിന് പെസഹായുടെ തിരു കര്‍മങ്ങള്‍ ആരംഭിച്ചു. ആഘോഷമായ വിശുദ്ധ കുര്‍ബാന, കാല്‍കഴുകല്‍ ശുശ്രൂഷ, പൊതു ആരാധന എന്നിവയുണ്ടായിരുന്നു. വെട്ടുകാട് മാദ്രെ ദെ ദേവൂസ് ദേവാലയത്തില്‍ ഇന്നലെ വൈകിട്ട് 5.30ന് തിരുവത്താഴ ദിവ്യബലിയും തുടര്‍ന്ന് രാത്രി 7.30 മുതല്‍ രാത്രി 11 വരെ ദിവ്യകാരുണ്യ ആരാധനയും നടന്നു.
പേരൂര്‍ക്കട ലൂര്‍ദ് ഹില്‍ ദേവാലയത്തില്‍ ഇന്നലെ വൈകിട്ട് 5.30ന് പെസഹായുടെ തിരുകര്‍മങ്ങള്‍ ആരംഭിച്ചു. വിശുദ്ധ കുര്‍ബാന, കാല്‍കഴുകല്‍ ശുശ്രൂഷ, തിരുമണിക്കൂര്‍ ആരാധന എന്നിവ നടന്നു. കേശവദാസപുരം മാര്‍ ഗീവര്‍ഗീസ് സഹദ സീറോ മലബാര്‍ ദേവാലയത്തില്‍ ഇന്നലെ വൈകിട്ട് 5.30ന് വിശുദ്ധ കുര്‍ബാനയും കാല്‍കഴുകല്‍ ശുശ്രൂഷയും നടന്നു.

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.