2021 April 16 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

‘കോവിഡ് വാക്സിന്‍ പരീക്ഷണത്തിന് തയ്യാറുണ്ടോ?’ ബഹ്റൈന്‍ 6000 വളണ്ടിയേഴ്സിനെ തേടുന്നു..

18 വയസിനു മുകളിലുള്ളവര്‍ക്ക് volunteer.gov.bh ലിങ്കിലൂടെ ഓണ്‍ലൈനായി രജിസ്റ്റർ ചെയ്യാം.

ഉബൈദുല്ല റഹ് മാനി കൊമ്പംകല്ല്‌

മനാമ: ബഹ്റൈനില്‍ കോവിഡ് -19 വാക്സിന്‍റെ ക്ലിനിക്കൽ പരീക്ഷണത്തിൽ പെങ്കെടുക്കാൻ ബഹ്റൈന്‍ സന്നദ്ധ പ്രവര്‍ത്തകരെ തേടുന്നു.
ബഹ്റൈന്‍ ആരോഗ്യ മന്ത്രാലയത്തിലെ പബ്ലിക് ഹെൽത്ത് ഡയറക്ടറേറ്റാണ് ഇതു സംബന്ധിച്ച നിര്‍ദേശങ്ങള്‍ പുറപ്പെടുവിച്ചിരിക്കുന്നത്.
18 വയസിന് മുകളിലുള്ള 6000 പേരെയാണ് പരീക്ഷണത്തിന് തെരഞ്ഞെടുക്കുന്നത്. ഓണ്‍ലൈന്‍ രജിസ്ട്രേഷനിലൂടെ ആരോഗ്യ പരിശോധനയിൽ യോഗ്യത നേടിയവർക്കാണ് അവസരം നല്‍കുക.
ചൈനയിൽ ഒന്നും രണ്ടും ഘട്ട പരീക്ഷണങ്ങൾ വിജയകരമായി നടന്നതിനു ശേഷമാണ് മൂന്നാം ഘട്ട പരീക്ഷണം പരീക്ഷണം ബഹ്റൈനില്‍ നടക്കുന്നത്.
വൈറസുകള്‍ക്കെതിരായ പ്രതിരോധ ശേഷിയുണ്ടാക്കുന്ന ആൻറിബോഡി ഉൽപാദിപ്പിക്കുകയാണ് കോവിഡ് വാക്സിൻ ചെയ്യുന്നത്.
വളണ്ടിയര്‍മാരായി തിരഞ്ഞെടുക്കപ്പെടുന്നവരില്‍ ഉൽപാദിപ്പിക്കപ്പെടുന്ന ആൻറിബോഡിയുടെ ഫലപ്രാപ്തി വിലയിരുത്തിയാകും വാക്സിെൻറ വിജയം നിർണ്ണയിക്കുകയെന്നാണ് റിപ്പോര്‍ട്ട്.
ക്ലിനിക്കൽ പരീക്ഷണത്തിൽ പെങ്കടുക്കാൻ താൽപര്യമുളളവർക്കെല്ലാം https://volunteer.gov.bh/ എന്ന വിലാസത്തിൽ ഓണ്‍ലൈനായി രജിസ്റ്റർ ചെയ്യാമെന്ന് അധിക‍ൃതര്‍ അറിയിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.