2022 July 02 Saturday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

കൊവിഡ് വാക്‌സിന്‍ ഈവര്‍ഷം അവസാനത്തോടെ: ലോകാരോഗ്യ സംഘടന

 

ജനീവ: ഈവര്‍ഷം അവസാനത്തോടെ ഫലപ്രദമായ ഒരു കൊവിഡ് വാക്‌സിന്‍ ലഭ്യമാവുമെന്ന് ലോകാരോഗ്യ സംഘടന മേധാവി ടെഡ്രോസ് അധാനം ഗെബ്രിയേസസ്. എന്നാല്‍ ഏതാണ് ആ വാക്‌സിനെന്ന് അദ്ദേഹം വ്യക്തമാക്കിയില്ല.
നമുക്ക് വാക്‌സിനുകള്‍ ആവശ്യമാണ്. ഈവര്‍ഷം അവസാനത്തോടെ ഒരു വാക്‌സിന്‍ തയാറാകുമെന്ന് പ്രതീക്ഷയുണ്ട്. കൊവിഡ് മഹാമാരി സംബന്ധിച്ച് രണ്ടു ദിവസമായി നടന്ന ഡബ്ല്യു.എച്ച്.ഒ എക്‌സിക്യൂട്ടീവ് ബോര്‍ഡ് യോഗത്തിന്റെ സമാപനത്തില്‍ ടെഡ്രോസ് പറഞ്ഞു.
ലോകാരോഗ്യ സംഘടനയുടെ നേതൃത്വത്തിലുള്ള കൊവാക്‌സ് പദ്ധതിക്കു കീഴില്‍ ഒന്‍പത് വാക്‌സിനുകള്‍ പരീക്ഷണത്തിലുണ്ട്.
2021 അവസാനത്തോടെ 200 കോടി ഡോസ് വാക്‌സിന്‍ ലോകമാകെ വിതരണ ചെയ്യാനുദ്ദേശിച്ചുള്ള പദ്ധതിയാണ് കൊവാക്‌സ്. യു.എസ് ഇതില്‍ അംഗമല്ല.
അതേസമയം തങ്ങള്‍ പരീക്ഷണം പൂര്‍ത്തിയാക്കിയ വാക്‌സിന്‍ ലോകമാകെ വിതരണം ചെയ്യാനായി നല്‍കാന്‍ തയാറാണെന്ന് കഴിഞ്ഞ ദിവസം ചൈന ഡബ്ല്യു.എച്ച്.ഒയെ അറിയിച്ചിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.