കൊച്ചി: ഉന്നത വിദ്യാഭ്യാസ മന്ത്രി കെ.ടി ജലീലിന്റെ രാജി ആവശ്യപ്പെട്ട് കെ.എസ്.യു ജില്ലാ കമ്മിറ്റി കമ്മിഷണര്‍ ഓഫിസിലേക്ക് നടത്തി മാര്‍ച്ചില്‍ സംഘര്‍ഷം. പൊലിസ് ബാരിക്കേഡുകള്‍ മറികടക്കാന്‍ ശ്രമിച്ച പ്രവര്‍ത്തകര്‍ക്ക് നേരെ ആദ്യം ജല പീരങ്കി പ്രയോഗിച്ചിട്ടും പിരിഞ്ഞുപോയില്ല. തുടര്‍ന്ന് പൊലിസ് ലാത്തി വീശി. നിരവധി പ്രവര്‍ത്തകര്‍ക്ക് പരുക്കേറ്റു. പ്രവര്‍ത്തകരില്‍ ചിലരെ കസ്റ്റഡില്‍ എടുത്തു. മുക്കാല്‍ മണിക്കൂര്‍ നേരം സംഘര്‍ഷം നീണ്ടുനിന്നു. ഇന്നലെ ഉച്ചക്ക് പന്ത്രണ്ട് മണിയോടെയാണ് സംഭവം.