2021 January 17 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

കെ.എസ്.എഫ്.ഇ വിവാദം: തോമസ് ഐസക്കിനെ തള്ളി മന്ത്രി ജി. സുധാകരന്‍

ആലപ്പുഴ: കെ.എസ്.എഫ്.ഇ വിവാദത്തില്‍ ധനമന്ത്രി തോമസ് ഐസക്കിനെ പരസ്യമായി തള്ളിപ്പറഞ്ഞ് മന്ത്രി ജി. സുധാകരന്‍. കെ.എസ്.എഫ്.ഇയില്‍ ധനമന്ത്രി അറിയാതെ വിജിലന്‍സ് പരിശോധന നടത്തിയ സംഭവത്തില്‍ മാധ്യമങ്ങളോട് പ്രതികരിക്കുകയായിരുന്നു മന്ത്രി . വിജിലന്‍സ് പരിശോധന നടത്തിയതില്‍ ദുഷ്ടലാക്കില്ല. തന്റെ വകുപ്പില്‍ അടക്കം പരിശോധന നടന്നാല്‍ സന്തോഷമുണ്ട്. നേരത്തെയും തന്റെ വകുപ്പുകളില്‍ റെയ്ഡുകള്‍ നടന്നിട്ടുണ്ട്. മന്ത്രിയായ താന്‍ അന്ന് റെയ്ഡുകളൊന്നും അറിഞ്ഞിട്ടില്ല. അറിയേണ്ട കാര്യവുമില്ല. ചില ക്രമക്കേടുകള്‍ വിജിലന്‍സ് അന്വേഷിച്ചെങ്കിലേ മതിയാകൂ.വിജിലന്‍സ് കെ.എസ്.എഫ്.ഇയില്‍ റെയ്ഡ് നടത്തിയതിനെക്കുറിച്ച് മുഖ്യമന്ത്രി പറഞ്ഞതാണ് ശരി. കെ.എസ്.എഫ്. ഇക്ക് ഒന്നും സംഭവിക്കില്ല. രാഷ്ട്രീയ ശത്രുക്കളെ തിരിച്ചറിയാം. എന്നാല്‍ കൂടെ നിന്ന് കണ്ണ് ഇറുക്കുന്നവരെ തിരിച്ചറിയണമെന്നും സുധാകരന്‍ പറഞ്ഞു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.