2022 July 04 Monday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

കീഴാന്തൂരില്‍ കാട്ടാനക്കൂട്ടം; ഭീതിയോടെ ഗ്രാമവാസികള്‍

മറയൂര്‍: രണ്ടു മാസമായി കാട്ടാനക്കൂട്ടം കീഴാന്തൂര്‍ ഗ്രാമവാസികളെ വട്ടം കറക്കുന്നു. കൃഷിയിടത്തിലും ജനവാസ മേഖലയിലും പകല്‍ സമയങ്ങളില്‍ പോലുമെത്തുന്ന കാട്ടാനക്കൂട്ടം വന്‍ കൃഷി നാശം വരുത്തുകയും ജനത്തെ ഭീതിയിലാഴ്ത്തുകയുമാണ്.
കീഴാന്തൂര്‍ ഗ്രാമത്തിലെ വിനായക ക്ഷേത്രത്തില്‍ കയറിയ കാട്ടാനക്കൂട്ടം ക്ഷേത്രത്തിനുള്ളിലുണ്ടായിരുന്ന സാധനസാമഗ്രികള്‍ തകര്‍ത്തു. ശീതകാല പച്ചക്കറിപ്പാടങ്ങളില്‍ വന്‍ നാശമാണ് കഴിഞ്ഞ രാത്രിയും കാട്ടാനക്കൂട്ടം വരുത്തിയത്. കീഴാന്തൂര്‍ ഗ്രാമവാസികളായ മഹാദേവന്‍, ജനകന്‍, ദണ്ഡപാണി, മണി, സത്യവാന്‍ തുടങ്ങി നിരവധിയാളുകളുടെ പച്ചക്കറി കൃഷിയിടത്തിലെ വിളകള്‍ നശിപ്പിച്ചു.
മറയൂര്‍ കാന്തല്ലൂര്‍ പാതയിലൂടെയുള്ള വാഹന യാത്രയില്‍ ഏത് നിമിഷവും കാട്ടാന കൂട്ടത്തിന്റെ മുന്‍പില്‍പ്പെടുമെന്ന ആശങ്കയാണ് ഉള്ളത്. ഭാഗ്യം കൊണ്ട് പലരും തലനാരിഴിക്ക് രക്ഷപ്പെട്ടു. ഇവയെ വനമേഖലയിലേക്ക് തുരത്തുവാനുള്ള ഒരു നടപടിയും അധികൃതര്‍ എടുത്തിട്ടില്ലെന്ന് ഗ്രാമവാസികള്‍ പറയുന്നു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.