2021 January 23 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

കാനഡയില്‍ മുസ്‌ലിം പള്ളിയില്‍ വെടിവെപ്പ്; അഞ്ചു മരണം

  • നിരവധിയാളുകള്‍ക്കു പരുക്കേറ്റു

ക്യൂബെക്ക്: കാനഡയിലെ ക്യൂബെക്ക് സിറ്റിയില്‍ മുസ്‌ലിം പള്ളിക്ക് നേരെയുണ്ടായ വെടിവെപ്പില്‍ അഞ്ചു പേര്‍ കൊല്ലപ്പെട്ടു. ഞായറാഴ്ച രാത്രി ക്യൂബെക്ക് സിറ്റിയിലെ സെന്റ് ഫോയി സ്ട്രീറ്റില്‍ ഇസ്‌ലാമിക് സെന്ററിലായിരുന്നു വെടിവെപ്പുണ്ടായത്. പ്രാര്‍ഥനക്ക് എത്തിയവര്‍ക്ക് നേരെ മൂന്നു തോക്കുധാരികള്‍ വെടിയുതിര്‍ക്കുകയായിരുന്നു.
സംഭവസമയത്ത് ഏകദേശം 40 പേര്‍ പള്ളിയിലുണ്ടായിരുന്നു.
തോക്കുധാരികളില്‍ രണ്ട് പേര്‍ പിടിയിലായതായി കനേഡിയന്‍ പൊലിസ് അറിയിച്ചു.
എന്താണ് സംഭവിച്ചതെന്ന് അറിയില്ലെന്ന് പള്ളിയുടെ പ്രസിഡന്റ് മുഹമ്മദ് യാംഗി പ്രതികരിച്ചു. ആക്രമണം നടക്കുമ്പോള്‍ യാംഗി പള്ളിയില്‍ ഉണ്ടായിരുന്നില്ല. എത്ര പേര്‍ക്ക് പരുക്ക് പറ്റിയെന്ന് അറിയില്ലെന്നും അദ്ദേഹം പറഞ്ഞു. പരുക്കേറ്റവരെ ക്യൂബിക് സിറ്റിയിലെ വിവിധ ആശുപത്രികളില്‍ പ്രവേശിപ്പിച്ചിരിക്കുകയാണെന്നും അദ്ദേഹം അറിയിച്ചു.
2016 ജൂണില്‍ പള്ളിയുടെ മുന്നില്‍ പന്നിത്തല കൊണ്ടിട്ട സംഭവവും ഉണ്ടായിട്ടുണ്ട്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.