2021 October 16 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

കാനഡയില്‍ മനുഷ്യരില്‍ അപൂര്‍വമായ പന്നിപ്പനി കïെത്തി

 
 
 
ഓട്ടോവ: കാനഡയില്‍ മനുഷ്യരില്‍ വളരെ അപൂര്‍വമായി മാത്രം കണ്ടുവരുന്ന എച്ച്1 എന്‍2 വൈറസ് ബാധ സ്ഥിരീകരിച്ചു. രാജ്യത്ത് ആദ്യമായാണ് ഒരാള്‍ക്ക് അപൂര്‍വയിനം പന്നിപ്പനി റിപ്പോര്‍ട്ട് ചെയ്തതെന്ന് കാനഡ ആരോഗ്യ വകുപ്പ് അറിയിച്ചു. കൊവിഡ് പരിശോധനയ്ക്കിടെയാണ് എച്ച്1എന്‍2 വൈറസ് ബാധ കണ്ടെത്തിയതെന്നും അധികൃതര്‍ വ്യക്തമാക്കി. 
മധ്യപ്രവിശ്യയായ ആല്‍ബര്‍ട്ടയിലാണ് എച്ച്1എന്‍2 കണ്ടെത്തിയത്. 
 2005 മുതല്‍ ലോകത്താകമാനം ആകെ 27 വ്യക്തികളില്‍ മാത്രമാണ് ഈ വൈറസ്ബാധ സ്ഥിരീകരിച്ചിട്ടുള്ളത്. 
ജലദോഷപ്പനിയുടെ ലക്ഷണങ്ങളുമായെത്തിയ രോഗിയിലാണ് എച്ച്1 എന്‍2 വൈറസ് സാന്നിധ്യം സ്ഥിരീകരിച്ചതെന്ന് ആല്‍ബര്‍ട്ട ചീഫ് മെഡിക്കല്‍ ഓഫിസര്‍ ഡോക്ടര്‍ ദീന ഹിന്‍ഷോയും ചീഫ് വെറ്റേറിനേറിയന്‍ ഡോക്ടര്‍ കൈത്ത് ലീമാനും സംയുക്തമായി പുറത്തിറക്കിറക്കിയ വാര്‍ത്താക്കുറിപ്പില്‍ പറയുന്നു.  
സാധാരണയായി പന്നികളിലാണ് എച്ച്1എന്‍2 വൈറസ് ബാധ കണ്ടുവരുന്നത്. എന്നാല്‍ പന്നി മാംസം ഭക്ഷിക്കുന്നതില്‍ നിന്ന് വൈറസ് ബാധയുണ്ടാവാനുള്ള സാധ്യത കുറവാണെന്ന് ആല്‍ബര്‍ട്ട ഗവണ്‍മെന്റിന്റെ വെബ്‌സൈറ്റില്‍ പറയുന്നു. മനുഷ്യനിലെ വൈറസ് ബാധയുടെ ഉറവിടം കണ്ടെത്താനും വൈറസ് മറ്റാര്‍ക്കെങ്കിലും പകരാനുള്ള സാഹചര്യമുണ്ടായിട്ടുണ്ടോയെന്ന കാര്യത്തിലും പഠനം ആരംഭിച്ചിട്ടുണ്ട്. എച്ച്1എന്‍2 വൈറസ് മനുഷ്യരില്‍ നിന്ന് മനുഷ്യരിലേക്ക് പകരാനുള്ള സാധ്യത കുറവാണെങ്കിലും അടുത്തിടപഴകുന്ന വ്യക്തികളില്‍ ചിലപ്പോള്‍ വൈറസ് ബാധിച്ചേക്കാമെന്ന് ഡോക്ടര്‍ ദീന ഹിന്‍ഷോ പറഞ്ഞു. 

ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.