2021 October 16 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

കനത്ത മഴയില്‍ വീട് നഷ്ടപ്പെട്ടവര്‍ക്ക് വീടും പട്ടയവും നല്‍കും: കലക്ടര്‍

കുന്നുംകൈ: മഴയില്‍ വീട് നഷ്ടപ്പെട്ട് പരപ്പ ഗവ.സ്‌കൂളിലെ ദുരിതാശ്വസ ക്യാംപില്‍ കഴിയുന്ന പുലിയംകുളംനെല്ലിയരകോളനിയിലെ 11 കുടുംബങ്ങള്‍ക്ക് പുതിയ വീട് നിര്‍മിച്ച് നല്‍കുമെന്നും പട്ടയമില്ലാത്ത അഞ്ച് കുടുംബങ്ങള്‍ക്ക് രണ്ടുദിവസത്തിനകം പട്ടയം നല്‍കാനാവശ്യമായ നടപടിയെടുക്കുമെന്നും കലക്ടര്‍ ഡി. സജിത്ത് ബാബു പറഞ്ഞു.
പത്തുദിവസത്തിനകം കോളനിയില്‍ കമ്മ്യൂണിറ്റി ഹാള്‍ പണിത് വീട് നിര്‍മാണം പൂര്‍ത്തിയാകുന്നതുവരെ പരപ്പ സ്‌കൂളില്‍നിന്ന് ഇവരെ അങ്ങോട്ടേയ്ക്ക് മാറ്റാന്‍ സാഹചര്യമൊരുക്കുമെന്നും കലക്ടര്‍ പറഞ്ഞു. പട്ടികവര്‍ഗ വികസന ഫണ്ടില്‍നിന്ന് പ്രത്യേക പദ്ധതി പ്രകാരം ഫണ്ട് നീക്കി വച്ചാകും വീട് നഷ്ടപ്പെട്ടവര്‍ക്ക് വീട് നിര്‍മിച്ചു നല്‍കുക. പരപ്പ സ്‌കൂളിലെ ദുരിതാശ്വാസ ക്യാംപില്‍ കഴിയുന്ന പുലിയംകുളം നെല്ലിയരകോളനിയിലെ 11 കുടുംബങ്ങളെ സന്ദര്‍ശിച്ച് സംസാരിക്കുകയായിരുന്നു കലക്ടര്‍. വെള്ളരിക്കുണ്ട് താലൂക്ക് തഹസില്‍ദാര്‍ പി. കുഞ്ഞിക്കണ്ണന്‍, ഡപ്യൂട്ടി തഹസില്‍ദാര്‍ പി.വി മുരളി, കിനാനൂര്‍-കരിന്തളം പഞ്ചായത്ത് പ്രസിഡന്റ് എ. വിധുബാല,വില്ലേജ് ഓഫിസര്‍ പി.ആര്‍ ഷൈമ, വാര്‍ഡംഗം ചിത്രലേഖ,വിവിധ രാഷ്ട്രീയപാര്‍ട്ടി പ്രതിനിധികള്‍, ക്ലബ് അംഗങ്ങള്‍ എന്നിവരും കലക്ടര്‍ക്കൊപ്പമുണ്ടായിരുന്നു. പട്ടയമില്ലാത്ത പുലിയംകുളം കോളനിയിലെ നാല് കുടുംബങ്ങള്‍ക്ക് കൂടി എത്രയും പെട്ടെന്ന് പട്ടയം നല്‍കാനുള്ള നടപടിയെടുക്കുമെന്നും കലക്ടര്‍ പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.