2024 February 25 Sunday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

കണ്ണൂര്‍ കലക്ടറുടെ വിചിത്ര തീരുമാനം വിവാദത്തില്‍

സ്വന്തം ലേഖകന്‍
കണ്ണൂര്‍: കൊവിഡ് വാക്‌സിന്‍ എടുക്കുന്നതിന് 72 മണിക്കൂര്‍ മുന്‍പ് ആര്‍.ടി.പി.സി.ആര്‍ പരിശോധന നടത്തണമെന്ന കണ്ണൂര്‍ കലക്ടറുടെ വിചിത്ര ഉത്തരവ് വിവാദത്തില്‍. ഈമാസം 28 മുതലാണ് നിബന്ധന പ്രാബല്യത്തില്‍വരികയെന്നു കലക്ടര്‍ ടി.വി സുഭാഷ് ഇറക്കിയ ഉത്തരവില്‍ വ്യക്തമാക്കി. ഉത്തരവിനെതിരേ കണ്ണൂര്‍ മേയറും ഐ.എം.എയും രംഗത്തെത്തി.
സ്വകാര്യആശുപത്രികളെയും ലാബുകളെയും സഹായിക്കുന്നതാണു തീരുമാനമെന്നും ടി.പി.ആര്‍ കുറച്ചുകാണിക്കാനുള്ള തന്ത്രമാണെന്നും ആരോപണമുയര്‍ന്നു. തീരുമാനത്തിനെതിരേ കലക്ടറുടെ ഫേസ്ബുക്ക് പേജിലടക്കം വ്യാപക പ്രതിഷേധമുണ്ടായി.
ജില്ലയിലെ 50 ശതമാനത്തിലധികം പേര്‍ക്കും വാക്‌സിന്‍ ലഭിക്കാന്‍ ബാക്കിനില്‍ക്കെയാണു ദുരന്തനിവാരണ അതോറിറ്റി ചെയര്‍മാന്‍ കൂടിയായ കലക്ടറുടെ വിചിത്ര ഉത്തരവ്. കൊവിഡ് വാക്‌സിനെടുക്കാന്‍ 72 മണിക്കൂറിനുള്ളിലെടുത്ത ആര്‍.ടി.പി.സി.ആര്‍ നെഗറ്റീവ് സര്‍ട്ടിഫിക്കറ്റ് ഹാജരാക്കണമെന്നാണ് ഉത്തരവ്. പൊതുഗതാഗത മേഖലയിലെ തൊഴിലാളികള്‍, കടകള്‍, വാണിജ്യസ്ഥാപനങ്ങള്‍ എന്നിവയിലെ ജീവനക്കാര്‍ക്കും രണ്ടു ഡോസ് വാക്‌സിനോ കൊവിഡ് നെഗറ്റീവ് സര്‍ട്ടിഫിക്കറ്റോ നിര്‍ബന്ധമാക്കും. രണ്ടു ഡോസ് വാക്‌സിന്‍ എടുക്കാത്തവര്‍ 15 ദിവസത്തിലൊരിക്കല്‍ പരിശോധന നടത്തി നെഗറ്റീവ് സര്‍ട്ടിഫിക്കറ്റ് ഹാജരാക്കണമെന്നും കലക്ടറുടെ ഉത്തരവില്‍ പറയുന്നു.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.