2021 January 22 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഓണപ്പൊട്ടനെ മര്‍ദിച്ച സംഭവം; മൂന്ന് ബി.ജെ.പി പ്രവര്‍ത്തകര്‍ക്കെതിരേ കേസ്

നാദാപുരം: തിരുവോണ നാളില്‍ പരമ്പരാഗത ഓണപ്പൊട്ടന്‍ വേഷം കെട്ടിയ യുവാവിനെ മര്‍ദിച്ച കേസില്‍ മൂന്ന് ബി.ജെ.പി പ്രവര്‍ത്തകര്‍ക്കെതിരേ പൊലിസ് കേസെടുത്തു. വിഷ്ണുമംഗലത്തെ മത്തത്ത് പ്രണവ്, തെക്കേ മീത്തലെക്കണ്ടിയില്‍ നവീന്‍, ചെറിയ തെറ്റത്ത് അനീഷ് എന്നിവര്‍ക്കെതിരേയാണ് കേസെടുത്തത്.
അതേസമയം, വേഷം കെട്ടിയ ഓണപ്പൊട്ടന്‍ അപമാനിച്ചതായുള്ള യുവതിയുടെ പരാതിയില്‍ സജീഷിനെതിരേയും പൊലിസ് കേസെടുത്തിട്ടുണ്ട്.
സംഭവം നാദാപുരം മേഖലയില്‍ വന്‍ വിവാദമായിരിക്കുകയാണ്. ഓണം വാമനജയന്തിയായി ആഘോഷിക്കണമെന്ന സംഘപരിവാര്‍ നയത്തിന്റെ ഭാഗമായാണ് ആക്രമണമെന്ന് സി.പി.എം നേതാക്കള്‍ ആരോപിച്ചു. പരമ്പരാഗത വേഷം കെട്ടി വിഷ്ണുമംഗലത്തെ അത്യോട്ടു ക്ഷേത്ര പ്രദേശത്തെ വീടുകളില്‍ പതിവായി സന്ദര്‍ശനം നടത്തുന്നത് സജീഷാണ്.
ഓണത്തിനു വീടുകളില്‍ മാവേലിവേഷം കെട്ടുന്ന മലയ സമൂഹത്തോടും കീഴാള സമൂഹത്തോടും സംഘപരിവാറിന്റെ അസഹിഷ്ണുതയും ജനങ്ങളെ ഭിന്നിപ്പിക്കാനുള്ള ശ്രമവുമാണ് അക്രമത്തിനു പിന്നിലെന്നും നേതാക്കള്‍ കുറ്റപ്പെടുത്തി.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.