2022 August 17 Wednesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

ഒലിച്ചുപോയത് 332 കോടിയുടെ കൃഷിയും 13,927 കർഷകരുടെ സ്വപ്നവും

പ്രത്യേക ലേഖകൻ
തിരുവനന്തപുരം •കഴിഞ്ഞ ദിവസങ്ങളിൽ പെയ്ത കനത്ത മഴ ഓണത്തിന് വീടുകളിലെ അടുക്കള സജീവമാക്കാൻ കടം വാങ്ങി കൃഷിയിറക്കിയ 13,927 കർഷകരെ ദുരിത്തിലാഴ്ത്തി.
332 കോടിയുടെ കൃഷിനാശമാണ് രണ്ടു ദിവസം തോരാതെ പെയ്ത മഴയിലുണ്ടായത്. ഇന്നലത്തെയും അടുത്ത ദിവസങ്ങളിലെയും കണക്കുകൂടി എത്തുമ്പോൾ നഷ്ടത്തിന്റെ തോത് ഇനിയും ഉയരും.
14 ജില്ലകളിലായി 1,184 ഹെക്ടറിലെ കൃഷിയിടങ്ങളാണ് പേമാരിയിൽ ഒലിച്ചുപോയത്. വിളവെടുപ്പിന് ഒരുങ്ങിയ കൃഷിയിടങ്ങളും ഇതിൽപ്പെടും. കൃഷി വകുപ്പ് തയാറാക്കായിയ പ്രാഥമിക റിപ്പോർട്ട് പ്രകാരം കൂടുതൽ കൃഷിനാശമുണ്ടായത് കണ്ണൂരിലാണ്. 295.18 കോടി രൂപയുടെ നഷ്ടം. 1,998 കർഷകരെ കണ്ണൂരിൽ മഴക്കെടുതി ബാധിച്ചു. കണ്ണൂർ കഴിഞ്ഞാൽ പാലക്കാടാണ് കൂടുതൽ കൃഷിനാശം. പാലക്കാടൻ നെല്ലറയിൽ 250.1 ഹെക്ടർ സ്ഥലത്തെ കൃഷിയാണ് നശിച്ചത്. മഴക്കെടുതി കൂടുതൽ കർഷകരെ ബാധിച്ചത് എറണാകുളം ജില്ലയിലാണ്. 3,158 പേർ.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.