ഒരു മണിക്കൂര്‍ വാതില്‍ തുറക്കാതെ അര്‍ണബ് !
മുംബൈ: അറസ്റ്റ് ചെയ്യുന്നതിനായി പൊലിസ് സംഘം വീട്ടിലെത്തിയപ്പോള്‍ അര്‍ണബും ഭാര്യയും വാതില്‍ തുറക്കാന്‍ തയാറായില്ലെന്നു പൊലിസ്. രാവിലെ ആറോടെ അര്‍ണബിന്റെ വീട്ടിലെത്തിയ പൊലിസ് സംഘം, 2018ലെ കേസില്‍ അറസ്റ്റ് ചെയ്യാനാണ് എത്തിയതെന്ന് അറിയിക്കുകയായിരുന്നു. എന്നാല്‍, ഒരു മണിക്കൂറോളം വാതില്‍ തുറക്കാന്‍ അര്‍ണബ് തായാറായില്ല.
പിന്നീട് വാതില്‍ തുറന്നയുടന്‍ അര്‍ണബിന്റെ ഭാര്യ വിഡിയോ ചിത്രീകരിക്കാന്‍ ആരംഭിച്ചെന്നും പൊലിസ് മര്‍ദിച്ചെന്ന് അര്‍ണബ് ആരോപിച്ചെന്നും പൊലിസ് സംഘം വ്യക്തമാക്കി. അറസ്റ്റുമായി ബന്ധപ്പെട്ട രേഖകള്‍ നല്‍കിയപ്പോള്‍ അര്‍ണബിന്റെ ഭാര്യ അതു കീറിക്കളഞ്ഞു. അര്‍ണബ് അറസ്റ്റിനു വഴങ്ങാതിരുന്നതോടെ, അദ്ദേഹത്തെ വാഹനത്തില്‍ കയറ്റുകയായിരുന്നെന്നും ആക്രമിച്ചിട്ടില്ലെന്നും വ്യക്തമാക്കിയ പൊലിസ്, അവിടെ നടന്നതിന്റെയെല്ലാം വിഡിയോ കൈയിലുണ്ടെന്നും വ്യക്തമാക്കി.
എന്നാല്‍, പൊലിസ് മര്‍ദിച്ചെന്നായിരുന്നു അറസ്റ്റിനു ശേഷവും അര്‍ണബ് പ്രതികരിച്ചത്. കോടതിയിലും അദ്ദേഹം ഇത് ആവര്‍ത്തിച്ചതോടെ, കോടതി പൊലിസിനോട് മെഡിക്കല്‍ സര്‍ട്ടിഫിക്കറ്റ് ഹാജരാക്കാന്‍ നിര്‍ദേശിക്കുകയും ചെയ്തിരുന്നു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- ചങ്കൂറ്റമുണ്ടോ ക്ലിഫ് ഹൗസിലെ സി.സി.ടി.വി ദൃശ്യങ്ങള് പുറത്തുവിടാന്? ; മുഖ്യമന്ത്രിയെ വെല്ലുവിളിച്ച് വീണ്ടും സ്വപ്ന സുരേഷ്, സ്പ്രിംഗ്ളര് പദ്ധതിയുടെ ബുദ്ധികേന്ദ്രം മുഖ്യമന്ത്രിയുടെ മകള്
- മഹാരാഷ്ട്ര നാടകം സുപ്രിം കോടതിയില്: ഗവര്ണറെ എന്തിന് അവിശ്വസിക്കണമെന്ന് കോടതി; തിടുക്കം തന്നെ കാരണമെന്ന് ശിവസേന
- ഉപരാഷ്ട്രപതി തിരഞ്ഞെടുപ്പ് ഓഗസ്റ്റ് ആറിന്
- കണ്ണൂരില് ബസ് അപകടത്തില്പ്പെട്ട് ഒരാള് മരിച്ചു; നിരവധി പേര്ക്ക് പരുക്ക്
- പ്രവാസി യുവാവിനെ തട്ടിക്കൊണ്ടുപോയി കൊലപ്പെടുത്തിയ കേസില്‍ രണ്ടുപേര് അറസ്റ്റില്
