2021 April 18 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഒഡിഷയും സംസ്ഥാനപാതകള്‍ ഗ്രാമീണ റോഡുകളാക്കി

ഭുവനേശ്വര്‍: ദേശീയ-സംസ്ഥാന പാതയോരങ്ങളിലെ മദ്യ വില്‍പന നിരോധിച്ച സുപ്രിംകോടതിക്കു പിറകെ ഒഡിഷ സര്‍ക്കാര്‍ സംസ്ഥാനപാതകള്‍ ഗ്രാമീണ റോഡുകളാക്കി ഉത്തരവിറക്കി. വിവിധ നഗരങ്ങളിലൂടെയും ഗ്രാമപ്രദേശങ്ങളിലൂടെയും കടന്നുപോകുന്ന നൂറുകണക്കിന് കി. മീറ്റര്‍ ദൂരത്തിലുള്ള സംസ്ഥാനപാതകളാണ് ഗ്രാമീണ റോഡുകളാക്കി മാറ്റിയത്.
ഓരോ ഗ്രാമങ്ങളിലൂടെയും കടന്നുപോകുന്ന സംസ്ഥാനപാതകള്‍ ആ മുനിസിപ്പാലിറ്റി, പഞ്ചായത്ത് റോഡുകളായി മാറുമെന്നാണ് സര്‍ക്കാരിന്റെ പുതിയ ഉത്തരവില്‍ പറയുന്നത്. എന്നാല്‍, ദേശീയ പാതകള്‍ ഉത്തരവിന്റെ പരിധിയില്‍ വരില്ല.
ദേശീയ-സംസ്ഥാന പാതകളുടെ 500 മീറ്റര്‍ പരിധിയില്‍ മദ്യവ ില്‍പന നിരോധിച്ച സുപ്രിംകോടതി ഉത്തരവിനു പിറകെ മഹാരാഷ്ട്ര, രാജസ്ഥാന്‍, പ. ബംഗാള്‍, ആന്ധ്രാപ്രദേശ് തുടങ്ങിയ നിരവധി സംസ്ഥാനങ്ങള്‍ തങ്ങളുടെ സംസ്ഥാനപാതകളെ ഗ്രാമ, ജില്ലാ പാതകളാക്കിയിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.