2022 January 29 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഏറെ നാളുകള്‍ക്ക് ശേഷം കളത്തില്‍ വീണ്ടും ഒരുമിച്ച് താരങ്ങള്‍

പാലക്കാട്: കൊവിഡ് കാരണം ഏറെ നാളായി നിര്‍ത്തിവെച്ചിരുന്ന ഫുട്‌ബോള്‍ മത്സരം വീണ്ടും തുടങ്ങിയതിന്റെ ആവേശത്തില്‍ കേരളത്തിലെ ഫുട്‌ബോള്‍ താരങ്ങള്‍. കായിക പരിശീലനങ്ങള്‍ നടത്താന്‍ കേന്ദ്ര സര്‍ക്കാറിന്റെ അനുമതി ലഭിച്ചതോടെയാണ് താരങ്ങള്‍ വീണ്ടും ഗ്രൗണ്ടില്‍ ഒന്നിച്ചത്. കഴിഞ്ഞ ദിവസം എടത്തനാട്ടുകരയില്‍ പുതുതായി നിര്‍മിച്ച ഗ്രൗണ്ടിലായിരുന്നു കേരളാ താരങ്ങള്‍ സൗഹൃദ മത്സരം കളിച്ചത്. സാറ്റ് തിരൂര്‍ എഫ്.സിയും കേരള ഇലവനും എന്ന നിലയിലായിരുന്നു മത്സരം. മുന്‍ കേരള ബ്ലാസ്റ്റേഴ്‌സ് താരം ടി.പി രഹ്നേഷ് നയിച്ച സാറ്റ് തിരൂര്‍ ഒന്നിനെതിരേ മൂന്നു ഗോളുകളള്‍ക്ക് കേരളാ താരങ്ങളുടെ ടീമിനെ പരാജയപ്പെടുത്തി.
സാറ്റ് തിരൂരിന് വേണ്ടി ഗോകുലം കേരള താരം സല്‍മാന്‍ ഇരട്ട ഗോളുകളും ഫസലു റഹ്മാന്‍ ഒരു ഗോളും നേടി. മുന്‍ സന്തോഷ് ട്രോഫി താരം മുഹമ്മദ് പാറക്കോട്ടില്‍ ആണ് കേരള ഇലവന് വേണ്ടി ഗോള്‍ നേടിയത് ബംഗളൂരു എഫ്,സി താരം ആിഷിഖ് കുരുണിയന്‍, അര്‍ജുന്‍, കേരളാ ബ്ലാസ്റ്റേഴ്‌സ് താരം പ്രശാന്ത്, മുഹമ്മദ് സലാഹ്, സല്‍മാന്‍, ജംഷഡ്പുര്‍ എഫ്. സി താരം ടി.പി രഹ്നേഷ്, കേരളാ ബ്ലാസ്റ്റേഴ്‌സ് താരം അബ്ദുല്‍ ഹക്കു, മുന്‍ മോഹന്‍ ബഗാന്‍ താരം സുഹൈര്‍ വി.പി, മുഹമ്മദ് പാറോക്കോട്ടില്‍, ഉബൈദ്, മഷൂര്‍ ഷരീഫ്, ഫസലുറഹ്മാന്‍, ഇര്‍ഷാദ് തുടങ്ങിയ താരങ്ങള്‍ മത്സരത്തില്‍ പങ്കെടുത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.