എം.ജിയില്‍ ബി.ആര്‍ക്ക് സിലബസ് പരിഷ്‌കരിക്കുന്നു
അതിരമ്പുഴ : മഹാത്മാഗാന്ധി സര്‍വകലാശാലയിലെ ബാച്ചിലര്‍ ഓഫ് ആര്‍ക്കിടെക്ച്ചര്‍ പ്രോഗ്രാമിന്റെ സിലബസ് പരിഷ്‌ക്കരിക്കുന്നു.
പരിഷ്‌ക്കരണം ഈ അധ്യയന വര്‍ഷം മുതല്‍ നടപ്പാക്കാനാണ് ആലോചന. സര്‍വകലാശാല സെനറ്റ് ഹാളില്‍ നടന്ന ബി.ആര്‍ക്. കോളജ് പ്രിന്‍സിപ്പല്‍മാരുടെ യോഗത്തിലുയര്‍ന്ന ഇതുസംബന്ധിച്ച നിര്‍ദേശങ്ങള്‍ വൈസ്ചാന്‍സലര്‍ക്ക് സമര്‍പ്പിക്കും.
ആറുവര്‍ഷം മുന്‍പാണ് ബി.ആര്‍ക്. സിലബസ് പരിഷ്‌ക്കരിച്ചത്. സിലബസില്‍ കാലാനുസൃതമായ മാറ്റങ്ങള്‍ വരുത്തുകയാണ് ലക്ഷ്യം. സിലബസ് പരിഷ്‌ക്കരണത്തിനായി അധ്യാപകരുടെ വിദഗ്ധസമിതിയെ നിയോഗിക്കും. പ്രത്യേക ശില്‍പശാല സംഘടിപ്പിക്കും. മറ്റു ബിരുദ, ബിരുദാനന്തര പ്രോഗ്രാം പരീക്ഷകള്‍ക്കു വിജയകരമായി നടപ്പാക്കിയ ചോദ്യബാങ്ക് സംവിധാനവും ബി.ആര്‍ക്കിന് നടപ്പാക്കും.
കോഴ്‌സ് സമയബന്ധിതമായി തീര്‍ക്കുന്നതിന് അക്കാദമിക-പരീക്ഷ കലണ്ടര്‍ തയാറാക്കാനും യോഗത്തില്‍ ധാരണയായി. സിന്‍ഡിക്കേറ്റ് പരീക്ഷ ഉപസമിതി കണ്‍വീനര്‍ ഡോ.ആര്‍. പ്രഗാഷ് യോഗം ഉദ്ഘാടനം ചെയ്തു.
സിന്‍ഡിക്കേറ്റംഗം ഡോ. പി.കെ. പദ്മകുമാര്‍ അധ്യക്ഷനായി. സിന്‍ഡിക്കേറ്റംഗങ്ങളായ പ്രൊഫ. ടോമിച്ചന്‍ ജോസഫ്, ഡോ. എ. ജോസ്, പരീക്ഷ കണ്‍ട്രോളര്‍ പ്രൊഫ. ബി. പ്രകാശ്കുമാര്‍ എന്നിവര്‍ പങ്കെടുത്തു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- ‘നിങ്ങളുടെ സ്വകാര്യത കാത്തു സൂക്ഷിക്കാന് ഞങ്ങള് ബാധ്യസ്ഥരാണ്’ വന്നില്ലേ നിങ്ങളുടെ സ്റ്റാറ്റസില് വാട്സാ ആപ്പിന്റെ ഉറപ്പ്; വിമര്ശനങ്ങള്ക്കു മുന്നില് മുട്ടുകുത്തി വാട്സ് ആപ്പ്
- മലബാര് എക്സ്പ്രസില് തീപിടിച്ചു; അപായങ്ങളില്ല
- നോര്വെയില് കൊവിഡ് വാക്സിന് കുത്തിവച്ച 23 പേര് മരിച്ചു, ഒമ്പതുപേര്ക്ക് ഗുരുതരമായ പാര്ശ്വഫലങ്ങള്
- സമ്മതപത്രം നല്കണം; പാര്ശ്വഫലമുണ്ടായാല് നഷ്ടപരിഹാരമെന്നും ഭാരത് ബയോടെക്
- നിയമനവും കാത്ത് 1500ലധികം സ്കൂള് ലൈബ്രേറിയന്മാര്
