2022 July 03 Sunday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

ഉത്തരമേഖലാ കാര്‍ഷിക ഗവേഷക കേന്ദ്രം ശതാബ്ദി ആഘോഷം

 

 

തിരുവനന്തപുരം: പിലിക്കോട് ഉത്തരമേഖലാ കാര്‍ഷിക ഗവേഷക കേന്ദ്രം ശതാബ്ദി ആഘോഷങ്ങളുടെ സംസ്ഥാനതല ഉദ്ഘാടനം ഇന്ന് മുഖ്യമന്ത്രി പിണറായി വിജയന്‍ നിര്‍വഹിക്കും. സെക്രട്ടേറിയറ്റില്‍ സങ്കരയിനം തെങ്ങിന്‍തൈ നട്ടുകൊണ്ടായിരിക്കും ഉദ്ഘാടനം.
മന്ത്രിമാരായ ഇ.ചന്ദ്രശേഖരന്‍, വി.എസ്.സുനില്‍കുമാര്‍ എന്നിവര്‍ മുഖ്യമന്ത്രിക്കൊപ്പം തെങ്ങിന്‍തൈകള്‍ നടും.
പിലിക്കോട് മേഖലാ കാര്‍ഷിക ഗവേഷണത്തിന്റെ ആഭിമുഖ്യത്തില്‍ ജില്ലകള്‍ തോറും രൂപീകരിച്ചിട്ടുള്ള തെങ്ങ് ജനിതക സംരക്ഷണ സമിതിയിലെ കര്‍ഷകര്‍ പങ്കെടുക്കും.
ഇതേ സമയം, സംസ്ഥാനത്തെ എല്ലാ ജില്ലാ ആസ്ഥാനങ്ങളിലും വില്ലേജ് ഓഫിസ് പരിസരങ്ങളിലും തെങ്ങിന്‍ തൈകള്‍ നടും.
ശതാബ്ദിയാഘോഷങ്ങളുടെ ഭാഗമായി കാര്‍ഷിക സെമിനാറുകള്‍, വിവിധ പരിശീലന പരിപാടികള്‍, സംസ്ഥാനതല ജൈവ നെല്‍കൃഷി ശില്‍പശാല, വിവിധ കൃഷി അനുബന്ധ മത്സരങ്ങള്‍, കര്‍ഷക പങ്കാളിത്തത്തോടെയുള്ള ജൈവ നെല്‍ ഉല്‍പ്പാദന പദ്ധതികള്‍ എന്നിവയും സംഘടിപ്പിക്കും.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.