2022 May 25 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഇസ്‌റാഈലുമായി കരാര്‍: സഊദി രാജാവും കിരീടാവകാശിയും തമ്മില്‍ കടുത്ത ഭിന്നത

 

റിയാദ്: യു.എ.ഇയെ പിന്തുടര്‍ന്ന് ഇസ്‌റാഈലുമായി നയതന്ത്രബന്ധം സ്ഥാപിക്കുന്നതില്‍ സഊദി രാജാവും കിരീടാവകാശിയും തമ്മില്‍ കടുത്ത ഭിന്നതയെന്ന് റിപ്പോര്‍ട്ട്. മുഹമ്മദ് ബിന്‍ സല്‍മാന്‍ കരാറിനെ അനുകൂലിക്കുമ്പോള്‍ സല്‍മാന്‍ രാജാവ് സ്വതന്ത്രരാജ്യം വേണമെന്ന ഫലസ്തീനികളുടെ ആവശ്യത്തിനൊപ്പം നില്‍ക്കണമെന്ന നിലപാടിലാണെന്ന് വാള്‍സ്ട്രീറ്റ് ജേണല്‍ റിപ്പോര്‍ട്ട് ചെയ്തു. രാജാവ് ഇസ്‌റാഈലിനോട് ബഹഷ്‌കരണനയം തുടരണമെന്ന അഭിപ്രായക്കാരനാണ്. എന്നാല്‍ മകന്‍ ജൂതന്മാരുമായി കരാറുണ്ടാക്കുക വഴി രാജ്യത്തിന് സാമ്പത്തിക പുരോഗതിയുണ്ടാകുമെന്നും പൊതു ശത്രുവായ ഇറാനെതിരേ സഖ്യമുണ്ടാക്കാനാവുമെന്നുമുള്ള നിലപാടില്‍ ഉറച്ചുനില്‍ക്കുന്നു. ഇസ്‌റാഈലിന് സഊദി വ്യോമപാത തുറന്നുനല്‍കിയത് മുഹമ്മദ് ബിന്‍ സല്‍മാന്റെ ഇടപെടല്‍ മൂലമാണെന്നാണ് റിപ്പോര്‍ട്ട്. യു.എ.ഇ-ഇസ്‌റാഈല്‍ കരാറിനെക്കുറിച്ച് ബിന്‍ സല്‍മാന് നേരത്തേ അറിയുമായിരുന്നെങ്കിലും എതിര്‍പ്പ് ഭയന്ന് സല്‍മാന്‍ രാജാവിനോട് ഇതേക്കുറിച്ച് പറഞ്ഞിരുന്നില്ല. ഫലസ്തീന്‍ രാജ്യമുണ്ടാക്കണമെന്ന സഊദിയുടെ നിലപാട് പ്രഖ്യാപിക്കാന്‍ രാജാവ് വിദേശകാര്യമന്ത്രിയോട് ആവശ്യപ്പെട്ടിരുന്നു. ഫലസ്തീനോടുള്ള സഊദിയുടെ പ്രതിബദ്ധത വ്യക്തമാക്കുന്ന ലേഖനം സര്‍ക്കാര്‍ ഉടമസ്ഥതയിലുള്ള പത്രത്തില്‍ വന്നതും രാജാവിന്റെ നിര്‍ബന്ധം കൊണ്ടായിരുന്നു- വാള്‍സ്ട്രീറ്റ് ജേണല്‍ വ്യക്തമാക്കുന്നു.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News