2022 October 06 Thursday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

ഇറാഖില്‍ ഗ്യാസ് പ്ലാന്റില്‍ ചാവേര്‍ സ്‌ഫോടനം: 14 മരണം

ബഗ്ദാദ്: ഇറാഖ് തലസ്ഥാനമായ ബഗ്ദാദിനടുത്ത് ഗ്യാസ് ഫാക്ടറിയില്‍ ഐ.എസ് നടത്തിയ ചാവേര്‍ ആക്രമണത്തില്‍ 14 പേര്‍ കൊല്ലപ്പെട്ടു.
20 പേര്‍ക്ക് പരുക്കേറ്റു. താജിയിലെ ഗ്യാസ് പ്ലാന്റിലാണ് സ്‌ഫോടനമുണ്ടായത്. മൂന്ന് കാര്‍ ബോംബുകളാണ് പൊട്ടിത്തെറിച്ചത്. ആറു തീവ്രവാദികള്‍ ബെല്‍റ്റ് ബോംബ് ധരിച്ച് ഗ്യാസ് ടാങ്കുകള്‍ക്കടുത്തേക്ക് ഓടിക്കയറി പൊട്ടിത്തെറിച്ചു.
വടക്കന്‍ ഇറാഖിലെ നിരവധി പ്രദേശങ്ങള്‍ ഐ.എസിനു കീഴിലാണ്. ഈയിടെ ബഗ്്ദാദില്‍ ഐ.എസ് ആക്രമണങ്ങള്‍ ശക്തിപ്പെടുത്തിയിരുന്നു. ബഗ്്ദാദില്‍ നിന്ന് 20 കി.മി അകലെയാണ് താജി. ആക്രമണത്തിന്റെ ഉത്തരവാദിത്വം ഐ.എസ് ഏറ്റെടുത്തു. സര്‍ക്കാര്‍ ഉടമസ്ഥതയിലാണ് ഗ്യാസ് പ്ലാന്റ് പ്രവര്‍ത്തിക്കുന്നത്. ഞായറാഴ്ച പുലര്‍ച്ചെയാണ് ആക്രമണം. പ്ലാന്റിലെ ജീവനക്കാരും സുരക്ഷാ ഉദ്യോഗസ്ഥരുമാണ് കൊല്ലപ്പെട്ടത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.