ഇസ്‌ലാമാബാദ്
പാകിസ്താനിൽ സർക്കാരിനെതിരായ അവിശ്വാസ പ്രമേയത്തിന്മേൽ ഇന്ന് വോട്ടെടുപ്പ് നടക്കാനിരിക്കെ അണികളോട് തെരുവിലിറങ്ങാൻ ആഹ്വാനം ചെയ്ത് പ്രധാനമന്ത്രി ഇമ്രാൻഖാൻ. ദേശീയ അസംബ്ലിയിൽ ഭൂരിപക്ഷം നഷ്ടപ്പെട്ടതോടെ അവിശ്വാസപ്രമേയം പാസാകുമെന്ന ഭീതിയിലാണിത്.
തനിക്കു മുന്നിൽ രാജി, അവിശ്വാസപ്രമേയ വോട്ടെടുപ്പ് നടത്തുക, സർക്കാർ പിരിച്ചുവിട്ട് തെരഞ്ഞെടുപ്പ് നേരിടുക എന്നീ മൂന്ന് വഴികളാണുള്ളതെന്നും തെരഞ്ഞെടുപ്പിനോടാണ് പ്രിയമെന്നും ഇമ്രാൻ പറഞ്ഞു.
അതേസമയം സൈന്യം അധികാരം പിടിച്ചെടുക്കുമോയെന്ന ഭീതിയിലാണ് ജനങ്ങൾ. ഒരു പ്രധാനമന്ത്രിയും കാലാവധി പൂർത്തിയാക്കാത്ത രാജ്യമാണ് പാകിസ്താൻ.