2022 July 04 Monday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

ഇംഗ്ലണ്ട്- ആസ്‌ത്രേലിയ ആദ്യ ഏകദിനം ഇന്ന്

മാഞ്ചസ്റ്റര്‍: ഇംഗ്ലണ്ടും ആസ്‌ത്രേലിയയും തമ്മിലുള്ള ആദ്യ ഏകദിന മത്സരം ഇന്ന്. മൂന്ന് മത്സരങ്ങളടങ്ങുന്ന പരമ്പര മാഞ്ചസ്റ്ററിലാണ് അരങ്ങേറുന്നത്.
ടി20 പരമ്പര കൈവിട്ടതിന്റെ നിരാശയില്‍ ഇറങ്ങുന്ന ആസ്‌ത്രേലിയയുടെ ലക്ഷ്യം ഇനി ഏകദിന പരമ്പരയാണ്. നേരത്തേ നടന്ന ടി20 പരമ്പര 2-1ന് ആതിഥേയര്‍ സ്വന്തമാക്കിയിരുന്നു. ഇന്ന് വൈകിട്ട് 5.30നാണ് മത്സരം. സോണി സിക്‌സില്‍ തത്സമയം കാണാം.
ഇംഗ്ലണ്ട് നിരയില്‍ ജേസന്‍ റോയ് തിരിച്ചെത്തിയത് ടീമിന് ആശ്വാസമായി. ജോസ് ബട്ട്‌ലര്‍, ജോഫ്ര ആര്‍ച്ചര്‍, മാര്‍ക്‌വുഡ് എന്നിവരും അവസാന 14ല്‍ ഇടം നേടിയിട്ടുണ്ട്. ഈ വര്‍ഷം മാര്‍ച്ചിന് ശേഷമുള്ള ആസ്‌ത്രേലിയയുടെ ആദ്യ ഏകദിന പരമ്പരയാണിത്. അന്ന് ടീം ന്യൂസിലന്‍ഡിനെ പരാജയപ്പെടുത്തിയിരുന്നു. അതിന് മുന്‍പ് ഇന്ത്യയോട് 2-1നും ദക്ഷിണാഫ്രിക്കയോട് 3-0നും കീഴടങ്ങി. അതേസമയം, അയര്‍ലന്‍ഡിനെതിരായ ആദ്യ രണ്ടു മത്സരത്തില്‍ ജയിച്ച ശേഷം മൂന്നാം മത്സരത്തില്‍ പരാജയപ്പെട്ടാണ് വീണ്ടുമൊരു ഏകദിന പരമ്പരയ്ക്ക് ഇംഗ്ലണ്ട് ഇറങ്ങുന്നത്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.