2024 February 25 Sunday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

ആസ്‌ത്രേലിയയിൽ ഇനി അൽബനീസ് യുഗം

തെരഞ്ഞെടുപ്പിൽ
തോൽവി സമ്മതിച്ച്
നിലവിലെ പ്രധാനമന്ത്രി
സിഡ്‌നി
ആസ്‌ത്രേലിയയിൽ തെരഞ്ഞെടുപ്പുഫലം പൂർണമായും പുറത്തുവരും മുമ്പേ ലിബറൽ പാർട്ടി നേതാവ് കൂടിയായ നിലവിലെ പ്രധാനമന്ത്രി സ്‌കോട്ട് മോറിസൻ പരാജയം സമ്മതിച്ചു. ഇതോടെ, ലേബർ പാർട്ടി നേതാവ് ആന്തണി നോർമാൻ അൽബനീസിന്റെ (59) നേതൃത്വത്തിൽ പുതിയ സർക്കാർ അധികാരത്തിലെത്തും. 1996 മുതൽ പാർലമെന്റംഗമാണ് അൽബനീസ്. കെവിൻ റൂഡിന്റെ നേതൃത്വത്തിലുള്ള ലേബർ സർക്കാരിൽ ആക്ടിങ് പ്രധാനമന്ത്രിയായും പ്രവർത്തിച്ചിട്ടുണ്ട്.
2019 മുതൽ പ്രതിപക്ഷ നേതാവായിരുന്ന അൽബനീസ് ലേബർ പാർട്ടിയുടെ ഇടതുവിഭാഗത്തിലെ കരുത്തനായാണ് അറിയപ്പെടുന്നത്. കഷ്ടപ്പാടുകളും പ്രതിസന്ധികളും അതിജീവിച്ചാണ് അൽബനീസ് ആസ്‌ത്രേലിയൻ പ്രധാനമന്ത്രി കസേരയിലെത്തുന്നത്. വികലാംഗയായ മാതാവിന്റെ പെൻഷനായിരുന്നു കുടുംബത്തിന്റെ വരുമാനം. എന്നാൽ, ഈ പ്രതിസന്ധികളെ പോരാടാനുള്ള വീര്യമാക്കി മാറ്റുകയായിരുന്നു അൽബനീസ്. 2007ൽ ആരംഭിച്ച ആസ്‌ത്രേലിയ, ഇന്ത്യ, ജപ്പാൻ, യു.എസ് എന്നിവയുടെ തന്ത്രപരവും സുരക്ഷാപരവുമായ ഫോറമായ ക്വാഡ്രിലാറ്ററൽ സെക്യൂരിറ്റി ഡയലോഗി (ക്വാഡ്)ലെ കക്ഷികളുമായുള്ള കൂടിക്കാഴ്ചയ്ക്കാണ് ആദ്യ പരിഗണനയെന്ന് തെരഞ്ഞെടുപ്പിന് മുമ്പ് അൽബനീസ് പ്രഖ്യാപിച്ചിരുന്നു. ഈ സാഹചര്യത്തിൽ അൽബനീസിന്റെ വരവ് ഇന്ത്യയുമായുള്ള ആസ്‌ത്രേലിയയുടെ ബന്ധം കൂടുതൽ ദൃഢമാകാൻ സാധ്യതയുണ്ട്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.