2021 December 04 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ആലപ്പുഴയില്‍ കൂടുതല്‍ പേരെ മാറ്റിപ്പാര്‍പ്പിച്ചു

ആലപ്പുഴ: കനത്ത മഴ തുടരുന്ന സാഹചര്യത്തില്‍ ജില്ലയിലെ താഴ്ന്ന മേഖലകളില്‍ വെള്ളക്കെട്ട് രൂക്ഷമായി. ഇന്നലെ വൈകുന്നേരം വരെ 11 ദുരിതാശ്വാസ ക്യാംപുകളിലായി 36 കുടുംബങ്ങളിലെ 116 പേരെ മാറ്റി പാര്‍പ്പിച്ചു. കുട്ടനാട് ഉള്‍പ്പെടെയുള്ള പ്രദേശങ്ങളില്‍ ജലനിരപ്പ് ഉയര്‍ന്ന സാഹചര്യത്തില്‍ കൂടുതല്‍ പേരെ ദുരിതാശ്വാസ ക്യാംപുകളിലേക്ക് മാറ്റി പാര്‍പ്പിക്കാന്‍ നടപടി സ്വീകരിച്ചു.
മണിമലയാറ്റിലും അച്ചന്‍കോവിലാറ്റിലും ജലനിരപ്പ് ഉയര്‍ന്നതോടെയാണ് കുട്ടനാട്ടിലും ജലനിരപ്പ് ഉയര്‍ന്നത്. ഇതിനെ തുടര്‍ന്ന് തണ്ണീര്‍മുക്കം, തോട്ടപ്പള്ളി, അന്ധകാരനഴി പൊഴികളുടെ ഷട്ടറുകള്‍ തുറന്ന് ജലത്തിന്റെ ഒഴുക്കിനുള്ള സാധ്യത വര്‍ധിപ്പിച്ചു. ഇന്നലെ മഴയിലും കാറ്റിലുമായി ഒരു വീട് പൂര്‍ണമായും പത്ത് വീടുകള്‍ ഭാഗികമായും തകര്‍ന്നു. വ്യാപകമായ കൃഷി നാശവും സംഭവിച്ചു.
ദുരിതാശ്വാസ ക്യാംപുകളും ഷെല്‍ട്ടറുകളും തുറക്കുന്നതിനായി 470 കെട്ടിടങ്ങള്‍ സജ്ജമാക്കിയിട്ടുണ്ട്. കുട്ടനാട്ടിലെ കിടപ്പു രോഗികളെ അടിയന്തര ഘട്ടത്തില്‍ മാറ്റി പാര്‍പ്പിക്കുന്നതിനായി ആലപ്പുഴ ടൗണ്‍ ഹാളില്‍ പ്രത്യേക ക്യാംപ് സജ്ജീകരിച്ചു. ജില്ലയിലും താലൂക്ക് കേന്ദ്രങ്ങളിലും കണ്‍ട്രോള്‍ റൂമുകള്‍ തുറന്നു. അടിയന്തര സഹായത്തിനായി 21 അംഗ എന്‍.ഡി.ആര്‍.എഫ് സേന ജില്ലയില്‍ എത്തിയിട്ടുണ്ട്.

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News