2022 July 04 Monday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

അമ്പമ്പോ…എന്തൊരു കനം, കുഞ്ഞുവാവയ്ക്ക്

  • 6.8 കിലോ തൂക്കവുമായി പെണ്‍കുഞ്ഞ് പിറന്നു

ബംഗളൂരു: പിറന്നപ്പോള്‍ ലോകത്തിലെ ഏറ്റവും തൂക്കം കൂടിയ കുട്ടിയെന്ന ബഹുമതി ഇനി ഇന്ത്യന്‍ പെണ്‍കുഞ്ഞിന്. കഴിഞ്ഞ തിങ്കളാഴ്ച കര്‍ണാടകയിലെ ഹസ്സന്‍ ഗ്രാമത്തിലെ സര്‍ക്കാര്‍ ആശുപത്രിയില്‍ ജനിച്ച 6.8 കിലോ തൂക്കമുള്ള പെണ്‍കുട്ടിയാണ് റെക്കോര്‍ഡിനുടമയായത്.
19 കാരിയായ നന്ദിനിയെന്ന യുവതിയാണ് പെണ്‍കുഞ്ഞിനു ജന്മം നല്‍കിയത്. കുട്ടിയുടെ തൂക്കം 15 എല്‍.ബി.എസ് അഥവാ 6.8 കിലോഗ്രാമായിരുന്നുവെന്നു ഹെല്‍ത്ത് ഓഫിസറായ ഡോക്ടറാണ് വെളിപ്പെടുത്തിയത്. സാധാരണ കുഞ്ഞുങ്ങളുടെ തൂക്കം മൂന്നു കിലോഗ്രാം വരെയേ ഉണ്ടാവാറുള്ളൂവെന്ന് ഡോക്ടര്‍ പറയുന്നു. തന്റെ 25 വര്‍ഷത്തെ സര്‍വിസിനിടെ ഇത്രയും തൂക്കമുള്ള കുട്ടി ജനിക്കുന്നത് ഇതാദ്യമായാണെന്ന് ഡോ. വെങ്കടേഷ് രാജു വ്യക്തമാക്കി.
മാതാവായ യുവതിയുടെ തൂക്കം 94 കിലോ ആണ്. അര മണിക്കൂര്‍ നീണ്ട ശസ്ത്രക്രിയയിലൂടെയാണ് കുട്ടിയെ പുറത്തെടുത്തതെന്ന് നേതൃത്വം നല്‍കിയ ഡോ. പൂര്‍ണിമ മനു പറഞ്ഞു. പെണ്‍കുട്ടി തീവ്രപരിചരണ വിഭാഗത്തില്‍ നിരീക്ഷണത്തിലാണ്. രണ്ടു വര്‍ഷം മുന്‍പ് വിവാഹിതരായ അരുണ്‍- നന്ദിനി ദമ്പതികളുടെ ആദ്യ കണ്മണിയാണ് റെക്കോര്‍ഡുമായി ജനിച്ചത്. കഴിഞ്ഞ നവംബറില്‍ 6.6 കിലോ തൂക്കമുള്ള ആണ്‍കുഞ്ഞിനു ജന്മം നല്‍കി ഇന്ത്യന്‍ യുവതി ഫിര്‍ദൗസ് ഖാത്തൂന്‍ ശ്രദ്ധ നേടിയിരുന്നു. രാജ്യത്തെ ഏറ്റവും തൂക്കം കൂടിയ ആണ്‍ കുഞ്ഞായിരുന്നു ഇവരുടേത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.