2022 August 16 Tuesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

അഫ്ഗാനിസ്താനില്‍ സ്ഥിരത ഉറപ്പാക്കേണ്ടത് രാജ്യാന്തര സമൂഹത്തിന്റെ കടമയാണെന്ന് മോദി

അമൃത്‌സര്‍: അഫ്ഗാനിസ്താനില്‍ സമാധാനവും സ്ഥിരതയും ഉറപ്പാക്കുന്നത് രാജ്യാന്തര സമൂഹത്തിന്റെ കടമയാണെന്ന് പ്രധാനമന്ത്രി നരേന്ദ്രമോദി. ഇതിന് യോജിച്ച പോരാട്ടം അനിവാര്യമാണെന്നും മോദി പറഞ്ഞു. ആറാമത് ഹാര്‍ട്ട്ഓഫ് ഏഷ്യ സമ്മേളനം ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

അഫ്ഗാനിസ്താനെയും അവിടുത്തെ ജനങ്ങളേയും പുറത്തുനിന്നുള്ള ആക്രമണങ്ങളില്‍ നിന്ന് സംരക്ഷിക്കുന്നതിലും അഫ്ഗാനിസ്താന്റെ വികസനത്തിലും ഇന്ത്യ കൂടുതല്‍ ശ്രദ്ധ പുലര്‍ത്തുമെന്ന് മോദി അറിയിച്ചു. ഭീകരർക്കെതിരെ മാത്രമല്ല, ഭീകരവാദ പ്രവർത്തനങ്ങൾക്ക് സാമ്പത്തികമായും അല്ലാതെയും സഹായം നൽകുന്നവർക്കെതിരെയും കടുത്ത നടപടികൾ കൂടിയേ തീരൂവെന്നും മോദി അഭിപ്രായപ്പെട്ടു.

അഫ്ഗാനിലെ സഹോദരി സഹോദരന്‍മാരോട് നിരുപാധികവും അചഞ്ചലവുമായ ഉത്തരവാദിത്തമാണ് ഇന്ത്യക്കുള്ളത് . അഫ്ഗാന്റെ സമാധാനത്തിനും സ്ഥിരതക്കും ഭീകരവാദം ഭീഷണിയാണ്. ഭീകരവാദത്തിനെതിരെ മാത്രമല്ല അതിനെ സഹായിക്കുന്നവര്‍ക്കെതിരെയും നടപടിയുണ്ടാകണം. അഫ്ഗാനുമായി വ്യോമ ഇടനാഴി നടപ്പിലാക്കുമെന്ന് അദ്ദേഹം പറഞ്ഞു.

പാക്  വിദേശകാര്യ ഉപദേഷ്ടാവ് സർതാജ് അസീസിനെ സദസിലിരുത്തിയായിരുന്നു പാകിസ്താനെതിരെയുള്ള പ്രധാനമന്ത്രിയുടെ പരോക്ഷ വിമർശനം. അതിർത്തി കടന്നുള്ള ഭീകരവാദത്തിനെതിരെ ഒന്നിച്ച് പോരാടണമെന്ന് അഫ്ഗാന്‍ പ്രസിഡന്‍റ് അശ്റഫ് ഗനിയും ആവശ്യപ്പെട്ടു.

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.