അന്‍വര്‍ അലിയോട് ഫുട്‌ബോളില്‍ നിന്ന് വിട്ടുനില്‍ക്കാന്‍ ആവശ്യപ്പെട്ട് എ.ഐ.എഫ്.എഫ്
ന്യൂ ഡല്‍ഹി: ഇന്ത്യന്‍ യുവ സെന്റര്‍ ബാക്ക് അന്‍വര്‍ അലിയോട് ഫുട്‌ബോളില്‍ നിന്ന് മാറി നില്‍ക്കാന്‍ ഇന്ത്യന്‍ ഫുട്‌ബോള്‍ ഫെഡറേഷന്റെ നിര്‍ദേശം. പ്രൊഫഷണല്‍ ഫുട്‌ബോളിലേക്ക് തിരികെ വന്നാല്‍ താരത്തിന്റെ ജീവന് അത് ഭീഷണിയാകും എന്ന് പറഞ്ഞാണ് എ.ഐ.എഫ്.എഫ് മെഡിക്കല്‍ കമ്മിറ്റി അന്‍വര്‍ അലിയോട് കളിയില്‍ നിന്ന് മാറി നില്‍ക്കാന്‍ ആവശ്യപ്പെട്ടിട്ടുള്ളത്. ഹൃദയ സംബന്ധമായ പ്രശ്‌നങ്ങള്‍ കാരണം ഫുട്‌ബോളില്‍ നിന്ന് വിട്ടുനിന്ന അന്‍വര്‍ അലി അടുത്തിടെയായി മുഹമ്മദന്‍സുമായി കരാറില്‍ എത്തിയിരുന്നു.
എന്നാല്‍ അന്‍വര്‍ അലിയുടെ മെഡിക്കല്‍ ഫയലുകള്‍ പഠിച്ച ആരോഗ്യ വിദഗ്ദ്ധര്‍ പ്രൊഫഷനല്‍ ഫുട്‌ബോളില്‍ കളിക്കുന്നത് താരത്തിന്റെ ജീവന് ഭീഷണിയാകും എന്നാണ് വിലയിരുത്തുന്നത്. അവസാന സീസണില്‍ ഇന്ത്യന്‍ ക്യാംപില്‍ നടത്തിയ പരിശോധനയ്ക്കിടയിലായിരുന്നു അന്‍വറിന്റെ ആരോഗ്യ പ്രശ്‌നം തിരിച്ചറിഞ്ഞത്. 20കാരനായ താരം ഐ.എസ്.എല്ലില്‍ മുംബൈ സിറ്റിയുടെ താരമായിരുന്നു. രോഗ വിവരത്തിന് ശേഷം മുംബൈ താരത്തിന്റെ കരാര്‍ റദ്ദാക്കിയിരുന്നു. ഇപ്പോള്‍ കൊല്‍ക്കത്തന്‍ ക്ലബായ മുഹമ്മദന്‍സിലൂടെയാണ് അന്‍വര്‍ അലി തിരികെയെത്താന്‍ ശ്രമിക്കുന്നത്.
അന്‍വര്‍ അലി മുഹമ്മദന്‍സുമായി താല്‍ക്കാലിക കരാര്‍ ഒപ്പുവെച്ചത് വലിയ വാര്‍ത്ത ആയിരുന്നു. അര്‍ 17 ലോകകപ്പില്‍ ഇന്ത്യയുടെ നെടുംതൂണായിരുന്ന താരമാണ് അന്‍വര്‍. റെക്കോര്‍ഡ് തുകയ്ക്കായിരുന്നു അന്‍വര്‍ അലിയെ മുംബൈ സിറ്റി ഒരു സീസണ്‍ മുമ്പ് സ്വന്തമാക്കയിരുന്നത്. രണ്ട് ഐലീഗ് സീസണില്‍ ഇന്ത്യന്‍ ആരോസിനായി അന്‍വര്‍ അലി ബൂട്ടു കെട്ടിയിരുന്നു.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Latest News
- ഗര്ഭിണികള്ക്ക് നിയമന വിലക്ക്; എസ്.ബി.ഐക്കെതിരെ ഡല്‍ഹി വനിത കമ്മിഷന്
- ബ്ലാസ്റ്റേഴ്സ് നാളെ കളിക്കളത്തിലിറങ്ങുന്നു; മത്സരത്തിന് സജ്ജരല്ലെന്ന് ബ്ലാസ്റ്റേഴ്സ് പരിശീലകന്
- മുഖ്യമന്ത്രി ദുബൈലെത്തി; രണ്ട് ദിവസം പൂര്ണ വിശ്രമം
- സഊദിയില് മാംസാഹാര സാധനങ്ങള്ക്ക് ഹലാല് സര്ട്ടിഫിക്കറ്റ് നിര്ബന്ധം
- ദിലീപിന്റെയും കൂട്ടാളികളുടേയും ഫോണുകള് തിങ്കളാഴ്ച ഹാജരാക്കണമെന്ന് ഹൈക്കോടതി
