2020 September 20 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

അനാശാസ്യം; പറശ്ശിനിക്കടവില്‍ ടൂറിസ്റ്റ് ഹോം അടിച്ചു തകര്‍ത്തു

തളിപ്പറമ്പ്: പറശ്ശിനിക്കടവില്‍ ഡി.വൈ.എഫ്.ഐ പ്രവര്‍ത്തകരും നാട്ടുകാരും ചേര്‍ന്ന് ടൂറിസ്റ്റ് ഹോം അടിച്ചു തകര്‍ത്തു. അനാശാസ്യ പ്രവര്‍ത്തനങ്ങള്‍ നടത്തുന്നുവെന്നാരോപിച്ചു മയ്യില്‍ റോഡില്‍ പ്രവര്‍ത്തിച്ചുവരുന്ന തീരം ടൂറിസ്റ്റ് ഹോമിനു നേരെയാണ് ഇന്നലെ വൈകുന്നേരം അഞ്ചരയോടെ അക്രമം നടന്നത്. ഈ സമയത്ത് തളിപ്പറമ്പ് സ്വദേശികളായ രണ്ടു സ്ത്രീകളും ഇടപാടുകാരായെത്തിയ അഞ്ചു പുരുഷന്മാരും ഇവിടെയുണ്ടായിരുന്നുവെന്നു നാട്ടുകാര്‍ പറഞ്ഞു.
മണിക്കൂര്‍ നിരക്കിലാണ് ഇവിടെ മുറിക്കു വാടക ഈടാക്കിയിരുന്നതത്രേ. ടൂറിസ്റ്റ് ഹോം നടത്തിപ്പുകാരനായ ദേവാനന്ദിന്റെ ഫോണില്‍ ബന്ധപ്പെട്ടാല്‍ അനുവദിക്കുന്ന സമയത്താണു തങ്ങള്‍ എത്താറുള്ളതെന്നു ഇടപാടുകാര്‍ നാട്ടുകാരോടു സമ്മതിച്ചു. നേരത്തെ പലതവണ നാട്ടുകാര്‍ ടൂറിസ്റ്റ് ഹോം അധികൃതര്‍ക്ക് മുന്നറിയിപ്പ് നല്‍കിയിരുന്നു. പൊലിസില്‍ പരാതി നല്‍കിയിട്ടും നടപടിയുണ്ടായില്ല.
റിസപ്ഷന്‍ പ്രവര്‍ത്തിക്കുന്ന സ്ഥലത്തെ കാബിനും ചില്ലു വാതിലുകളും അടിച്ചു തകര്‍ത്ത നിലയിലാണ്. വര്‍ഷങ്ങളായി ഇവിടെ പല സ്ഥലങ്ങളില്‍ നിന്നുമുള്ള സ്ത്രീകളും പുരുഷന്‍മാരും അനാശാസ്യപ്രവര്‍ത്തനങ്ങള്‍ക്ക് എത്തുന്നുണ്ടത്രേ. ഈ നിലയില്‍ ലോഡ്ജ് പ്രവര്‍ത്തിപ്പിക്കാന്‍ അനുവദിക്കില്ലെന്ന് നാട്ടുകാര്‍ പറഞ്ഞു. വിവരമറിഞ്ഞ് തളിപ്പറമ്പ് പൊലിസ് സ്ഥലത്ത് എത്തി.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.