2022 June 30 Thursday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

അട്ടപ്പാടി കരാര്‍ റദ്ദ് ചെയ്തത് സര്‍ക്കാര്‍ നിര്‍ദേശ പ്രകാരമെന്ന് മന്ത്രി ബാലന്‍

 

 

തിരുവനന്തപുരം: അട്ടപ്പാടിയിലെ ആദിവാസി ഭൂമി സ്വകാര്യസ്ഥാപനത്തിന് പാട്ടത്തിന് നല്‍കിയ കരാര്‍ പാലക്കാട് കലക്ടര്‍ റദ്ദ് ചെയ്തത് സര്‍ക്കാര്‍ നിര്‍ദേശ പ്രകാരമെന്ന് മന്ത്രി എ.കെ ബാലന്‍. ആദിവാസികളുടെ പുനരധിവാസത്തിന് നല്‍കിയ 2,730 ഏക്കര്‍ നിക്ഷിപ്ത വനഭൂമി അട്ടപ്പാടി ഫാമിങ് സൊസൈറ്റി തൃശൂരിലെ എല്‍.എ ഹോംസ് എന്ന സ്ഥാപനത്തിന് 25 വര്‍ഷത്തേക്ക് പാട്ടത്തിന് നല്‍കിയ കരാറാണ് റദ്ദ് ചെയ്തത്.  

ആ ഭൂമി കരാര്‍ കൊടുക്കുന്നത് ശരിയല്ലെന്ന് സര്‍ക്കാരിന് ബോധ്യപ്പെട്ടു. ആദിവാസികള്‍ നല്‍കിയ കേസില്‍  ഹൈക്കോടതി കരാര്‍ റദ്ദു ചെയ്തിരുന്നു. അതിന്റെ അടിസ്ഥാനത്തില്‍ കരാറില്‍ തുടര്‍നടപടി സ്വീകരിക്കേണ്ടതില്ലെന്ന് സര്‍ക്കാര്‍ നേരത്തെ നിര്‍ദേശം നല്‍കിയിരുന്നു. സൊസൈറ്റിക്ക് കരാറുമായി ഇനി മുന്നോട്ടു പോകാന്‍ കഴിയില്ല. റദ്ദ് ചെയ്ത സ്ഥിതിക്ക് ചട്ടവിരുദ്ധമായാണോ കരാര്‍ നല്‍കിയത് എന്ന ചോദ്യത്തിന് പ്രസക്തിയില്ലെന്നും മന്ത്രി ഇതുസംബന്ധിച്ച ചോദ്യങ്ങളോട് പ്രതികരിച്ചു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.