2020 September 28 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

അംഗപരിമിതര്‍ക്ക് സഹായകരമായ റോബോട്ടുമായി ചൈന

ഷാങ്വായി: അംഗപരിമിതര്‍ക്ക് ഇനി നടക്കാനും ഇരിക്കാനും മറ്റുള്ളവരെ ആശ്രയിക്കേണ്ട. അത്തരക്കാര്‍ക്കായി ചൈനയിതാ പുതിയ റോബോട്ട് പുറത്തിറക്കാനൊരുങ്ങുകയാണ്. രണ്ടു വര്‍ഷത്തിനുള്ളില്‍ പുതിയ റോബോട്ട് പുറത്തിറക്കുമെന്നാണ് ശാസ്ത്രജ്ഞര്‍ പറയുന്നത്.

ദി ഫോറിയര്‍ എക്‌സ് വണ്‍ എന്ന പേരിലുള്ള ഇതിന് 20 കിലോഗ്രാം ആണ് ഭാരം. നട്ടെല്ലിന് ക്ഷതം സംഭവിച്ച് കിടപ്പിലായവര്‍ പക്ഷാഘാതം സംഭവിച്ചവര്‍ എന്നിവര്‍ക്കെല്ലാം ഇതു സഹായകമാവും. നിലവില്‍ ജപ്പാന്‍,ഇസ്രായേല്‍ രാജ്യങ്ങള്‍ ഇത്തരം രീതിയിലുള്ള റോബോട്ടുകള്‍ വികസിപ്പിച്ചിട്ടുണ്ട്. 45000 മുതല്‍ 87,000 ഡോളര്‍ വരെയാണ് ഇതിന്റെ വില. ഇതിലും വില കുറച്ച് റോബോട്ട് പുറത്തിറക്കാനാണ് ചൈനയുടെ ശ്രമം.

ഇരിക്കാനും നില്‍ക്കാനും നടക്കാനും കോണിപ്പടി കയറാനുമെല്ലാം ഇനി ഇവന്‍ കൂടെയുണ്ടാകും. ഒരു തവണ ചാര്‍ജ് ചെയ്താല്‍ ഇതു ഏഴു മണിക്കൂര്‍ വരെ പ്രവര്‍ത്തിക്കും. ചൈനയില്‍ മാത്രം 80 മില്യണ്‍ ജനങ്ങളാണ് അഗംപരിമിതരായിട്ടുള്ളത്. ഇതെല്ലാമാണ് ചൈനയെ ഇത്തരം റോബോട്ട് നിര്‍മിക്കാന്‍ പ്രേരിപ്പിച്ചത്.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.