2019 March 26 Tuesday
നീതി ലഭ്യമാക്കാനുള്ള എളുപ്പമാര്‍ഗം മറ്റുള്ളവര്‍ക്കു നീതി വാങ്ങിക്കൊടുക്കലാണ്. -മഹാത്മജി

സൈനികാഭ്യാസം: ദക്ഷിണകൊറിയയുമായുള്ള ഉന്നതതല ചര്‍ച്ചയില്‍നിന്നും ഉത്തരകൊറിയ പിന്‍മാറി

  • ട്രംപുമായുള്ള കൂടിക്കാഴ്ച റദ്ദാക്കുമെന്ന് ഉത്തരകൊറിയയുടെ മുന്നറിയിപ്പ്

സോള്‍: ദക്ഷിണ കൊറിയയുമായി ഇന്ന് നടത്താനിരുന്ന ഉന്നതതല യോഗം ഉത്തര കൊറിയ റദ്ദാക്കി. അമേരിക്കയുമായി ദക്ഷിണ കൊറിയ നടത്തിയ സംയുക്ത സൈനിക പരിശീലനത്തില്‍ പ്രകോപിതരായാണ് ഉത്തര കൊറിയയുടെ അപ്രതീക്ഷിത നീക്കം.ഇരുരാജ്യങ്ങളും സംയുക്തമായി നടത്തുന്ന സൈനിക അഭ്യാസം പ്രകോപനപരമാണെന്ന് ഉത്തരകൊറിയ പ്രതികരിച്ചു. ഇതോടെ, ജൂണില്‍ നടക്കുന്ന ട്രംപ്-ഉന്‍ കൂടിക്കാഴ്ച അനിശ്ചിതത്വത്തിലാകുമെന്ന സൂചനകളും പുറത്ത് വരുന്നുണ്ട്.

ഈ മാസം 23നും 25നുമിടയില്‍ രാജ്യത്തെ ആണവ പരീക്ഷണകേന്ദ്രങ്ങള്‍ പൊളിച്ചുമാറ്റുമെന്ന് ഉ. കൊറിയന്‍ ഭരണാധികാരി കിം ജോങ് ഉന്‍ അറിയിച്ചിരുന്നു.
അതിനിടെ, ഉ. കൊറിയയിലെ ഏറ്റവും വലിയ ആണവ പരീക്ഷണശാലയായ പുന്‍ഗ്ഗിറിയിലെ കേന്ദ്രം പൊളിച്ചുമാറ്റല്‍ ആരംഭിച്ചതായി സ്ഥിരീകരിക്കാത്ത മാധ്യമ റിപ്പോര്‍ട്ടുകളുണ്ട്. ഉ.കൊറിയയില്‍നിന്നുള്ള സാറ്റലൈറ്റ് ദൃശ്യങ്ങള്‍ വച്ചാണ് മാധ്യമങ്ങള്‍ ഇത്തരമൊരു നിഗമനത്തിലെത്തിയത്.

ഏപ്രില്‍ 27ന് ഇരു കൊറിയകള്‍ തമ്മില്‍ നടത്തിയ ഉച്ചകോടിയില്‍ ഏഴ് പതിറ്റാണ്ട് നീണ്ടുനിന്ന യുദ്ധം അവസാനിപ്പിക്കാന്‍ ധാരണയായിരുന്നു.
 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.