2018 February 17 Saturday
എല്ലാവരും ഒരുപോലെ കഴിവുള്ളവരാകണമെന്നില്ല. എന്നാല്‍, സ്വന്തം കഴിവുകളെ വികസിപ്പിച്ചെടുക്കാനുള്ള അവസരം ഏവര്‍ക്കും ഒരുപോലെയാണ്.
എ.പി.ജെ അബ്ദുല്‍ കലാം

വാട്‌സ്ആപ്പില്‍ പേയ്‌മെന്റ് സൗകര്യവും: ബീറ്റാ വേര്‍ഷന്‍ പുറത്തിറക്കി

ബംഗളൂരു: ഡിജിറ്റല്‍ പേയ്‌മെന്റ് രംഗത്തേക്ക് ചുവടുവച്ച് സോഷ്യല്‍മീഡിയാ മെസേജിങ് ആപ്പായ വാട്‌സ്ആപ്പ്. ഇന്ത്യയിലെ കോടിക്കണക്കിന് വാട്‌സ്ആപ്പ് ഉപയോക്താക്കള്‍ക്ക് ഇപ്പോഴുള്ള ആപ്പിലൂടെ തന്നെ ഇനി ഇടപാടുകളും നടത്താം. പുതിയ ഫീച്ചറിന്റെ ബീറ്റാ വേര്‍ഷന്‍ ചില ഉപയോക്താക്കളില്‍ പരീക്ഷിച്ചുവരികയാണ്.

യു.പി.ഐ (യൂണിഫൈഡ് പേയ്‌മെന്റ് ഇന്റര്‍ഫേസ്) സംവിധാനത്തിലൂടെയാണ് പേയ്‌മെന്റിന് വാട്‌സ്ആപ്പ് ഫീച്ചര്‍ ഒരുക്കിയിരിക്കുന്നത്. നാഷണല്‍ പേയ്‌മെന്റ്‌സ് കോര്‍പ്പറേഷന്‍ ഓഫ് ഇന്ത്യ (എന്‍.പി.സി.ഐ)യുടെ പങ്കാളിത്തവുമുണ്ട്. എസ്.ബി.ഐ, ഐ.സി.ഐ.സി.ഐ, എച്ച്.ഡി.എഫ്.സി, ആക്‌സിസ് അടക്കമുള്ള ഇന്ത്യന്‍ ബാങ്കുകളുടെ സഹകരണത്തോടെയാണ് ഫീച്ചര്‍ പ്രവര്‍ത്തിക്കുന്നത്. ഇതടക്കം നിരവധി ബാങ്കുകളുടെ ലിസ്റ്റ് തന്നെ വാട്‌സ്ആപ്പ് പേയ്‌മെന്റില്‍ ഉണ്ടെന്ന് ബീറ്റാ വേര്‍ഷന്റെ സ്‌ക്രീന്‍ഷോട്ടിലൂടെ വ്യക്തമാവുന്നു.

 

ആന്‍ഡ്രോയിഡിലും ഐ.ഒ.എസിലും പുതിയ ഫീച്ചര്‍ പ്രവര്‍ത്തിക്കും. ഗൂഗിള്‍ ടെസ്, പേടിഎം എന്നീ കമ്പനികള്‍ക്ക് വെല്ലുവിളിയുമായാണ് ഈ രംഗത്ത് വാട്‌സ്ആപ്പിന്റെ കടന്നുവരവ്.

നിലവില്‍ വാട്‌സ്ആപ്പിലുള്ള കോള്‍, ചാറ്റ്, സ്റ്റാറ്റസ് ഒപ്ഷനോടൊപ്പമായിരിക്കും പേയ്മന്റിന്റെ സ്ഥാനവും. ഫോണ്‍ നമ്പര്‍ വെരിഫൈ ചെയ്തും ബാങ്ക് തെറഞ്ഞെടുത്തും കൊണ്ട് ഫീച്ചര്‍ ഫോണില്‍ പ്രവര്‍ത്തിപ്പിക്കാം.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.