2019 September 17 Tuesday
ദാരിദ്ര്യത്തെക്കുറിച്ച് ലജ്ജിക്കാനില്ല. അതില്‍ ലജ്ജതോന്നുന്നതാണ് ലജ്ജാകരം.

അടുത്ത വര്‍ഷത്തോടെ വാട്‌സാപ്പില്‍ പരസ്യങ്ങളും; വരുന്നത് വാട്‌സാപ്പ് സ്റ്റാറ്റസ് രൂപത്തില്‍

റോട്ടര്‍ഡാം: ഫേസ്ബുക്ക് ഉടമസ്ഥതയിലുളള മെസേജിങ് സേവനമായ വാട്‌സാപ്പില്‍ അടുത്തവര്‍ഷത്തോടെ പരസ്യങ്ങള്‍ പ്രത്യക്ഷപ്പെടാന്‍ തുടങ്ങും. വാട്‌സാപ് സ്റ്റാറ്റസ് രൂപത്തിലാവും പരസ്യങ്ങള്‍. സ്റ്റാറ്റസുകള്‍ക്കിടയില്‍ ഇത്തരത്തില്‍ പരസ്യങ്ങള്‍ പ്രത്യക്ഷപ്പെടും. നെതര്‍ലാന്‍ഡ്‌സിലെ റോട്ടര്‍ഡാമില്‍ നടന്ന വാര്‍ഷിക ഫേസ്ബുക്ക് കോണ്‍ഫറന്‍സില്‍ വാട്‌സാപ് പരസ്യങ്ങള്‍ സംബന്ധിച്ച വിവരങ്ങള്‍ പുറത്തുവിട്ടതായാണ് റിപോര്‍ട്ട്. എന്നാല്‍ ഇത് സംബന്ധിച്ച ഔദ്യോഗിക പ്രഖ്യാപനമൊന്നും പുറത്തുവന്നിട്ടില്ല. റോട്ടര്‍ഡാമിലെ ഉച്ചകോടിയില്‍ പങ്കെടുത്ത ഏതാനും പ്രതിനിധികളാണ് ഇക്കാര്യം സാമൂഹിക മാധ്യമങ്ങളിലൂടെ പുറത്തറിയിച്ചത്.
ഫേസ്ബുക്കിന്റെ ഉടമസ്ഥതയില്‍ തന്നെയുള്ള ഫോട്ടോ ഷെയറിങ് സേവനമായ ഇന്‌സ്റ്റഗ്രാമില്‍ സമാനമായ രീതില്‍ സ്റ്റാറ്റസ് പരസ്യങ്ങള്‍ നല്‍കാന്‍ ആരംഭിച്ചിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News