2019 December 14 Saturday
ഐക്യാഹ്വാനം ചെയ്ത് റിയാദിൽ ഗൾഫ് ഉച്ചകോടി

വിഖായ ഇലക്ട്രീഷ്യന്‍ ടീമും സേവനത്തിനിറങ്ങുന്നു

കോഴിക്കോട്: പ്രളയ ദുരന്തമേഖലകളിലെ വീടുകളില്‍ വൈദ്യുതി പുനസ്ഥാപിക്കുന്നതിന് വേണ്ടി എസ്.കെ.എസ്.എസ് എഫ് സന്നദ്ധ വിഭാഗമായ വിഖായ ഇലക്ട്രീഷ്യന്‍ ടീമിനെ സേവനത്തിനിറക്കും. പ്രളയബാധിത പ്രദേശങ്ങളിലെ വീടുകളിലെ തകരാറിലായ വൈദ്യുത ജോലികള്‍ സൗജന്യമായി പരിചയ സമ്പന്നരായ വളണ്ടിയര്‍മാര്‍ നിര്‍വഹിക്കും.
പ്രളയത്തെ തുടര്‍ന്ന് ദുരിതമനുഭവിക്കുന്നവര്‍ക്ക് ഭക്ഷ്യധാന്യങ്ങള്‍, വസ്ത്രങ്ങള്‍, വീട്ടുപകരണങ്ങള്‍ തുടങ്ങിയവ ശേഖരിക്കുന്നതിനും വീടുകളിലേക്ക് തിരിച്ചെത്തുന്നവര്‍ക്ക് ആവശ്യമായത് എത്തിച്ച് നല്‍കാനും എസ്.കെ.എസ്.എസ്.എഫ് വിഖായ കണ്‍ട്രോള്‍ റൂം പ്രവര്‍ത്തനം തുടങ്ങിയിട്ടുണ്ട്.
കോഴിക്കോട് രാമനാട്ടുകര ബൈപ്പാസ് ജംഷനില്‍ സെന്‍ട്രല്‍ ഹോട്ടല്‍ ബില്‍ഡിംഗില്‍ പ്രവര്‍ത്തിക്കുന്ന കേന്ദ്രത്തില്‍ സംസ്ഥാനത്തുടനീളം സേവനം ചെയ്തു കൊണ്ടിരിക്കുന്ന വിഖായ വളണ്ടിയര്‍മാരുടെ പ്രവര്‍ത്തങ്ങളും ക്രമീകരിക്കുന്നുണ്ട്. കഴിഞ്ഞ വര്‍ഷവും പ്രളയകാലത്ത് സംഘടന നടത്തിയ കണ്‍ട്രോള്‍ റൂം മുഖേന ആയിരക്കണക്കിന് കുടുംബങ്ങള്‍ക്ക് അവശ്യസാധനങ്ങള്‍ എത്തിച്ചു നല്‍കിയിരുന്നു.
ഫോണ്‍: 9947999399, 9633648530, 9947354645, 9846067022


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News