2020 August 09 Sunday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

പരിധി വിട്ട് യു.എസ്: വ്യാഴാഴ്ച മാത്രം 65,000 കൊവിഡ് ബാധിതര്‍; ന്യായീകരിച്ച് ട്രംപ്

 

ന്യൂയോര്‍ക്ക്: നിയന്ത്രണങ്ങളില്‍ കൂടുതല്‍ ഇളവുകള്‍ നല്‍കിയതോടെ കൊവിഡ് ബാധിതരുടെ എണ്ണത്തില്‍ യു.എസ് അറ്റമില്ലാതെ പോവുന്നു. ലോകത്ത് ഏറ്റവും കൂടുതല്‍ കൊവിഡ് ബാധിതരുള്ള യു.എസില്‍ ഇന്നലെ മാത്രം റിപ്പോര്‍ട്ട് ചെയ്തത് 65,000 പുതിയ കേസുകളാണ്.

യു.എസില്‍ ഇതുവരെ 32 ലക്ഷം കൊവിഡ് കേസുകളാണ് റിപ്പോര്‍ട്ട് ചെയ്തത്. 1.35 ലക്ഷം പേര്‍ മരണപ്പെടുകയും ചെയ്തു.

മറ്റു രാജ്യങ്ങളെ അപേക്ഷിച്ച് രോഗമുക്തിയുടെ കാര്യത്തിലും അമേരിക്ക പിന്നിലാണ്. മിക്ക രാജ്യങ്ങളിലും രോഗം ബാധിച്ച പകുതിയില്‍ അധികം പേര്‍ സുഖപ്പെട്ടിട്ടുണ്ട്. എന്നാല്‍ അമേരിക്കയില്‍ 14 ലക്ഷം പേര്‍ മാത്രമാണ് സുഖപ്പെട്ടത്. 15.5 ലക്ഷം പേര്‍ ഇപ്പോഴും ചികിത്സയില്‍ കഴിയുന്നു. ഇതില്‍ 15,645 പേര്‍ ഗുരുതരാവസ്ഥയിലാണ്.

ലോകത്ത് 213 രാജ്യങ്ങളിലായി 1.24 കോടിയിലധികം പേര്‍ക്കാണ് കൊവിഡ് ബാധിച്ചിരിക്കുന്നത്. 5.57 ലക്ഷത്തിലേറെ പേര്‍ക്ക് ജീവന്‍ നഷ്ടപ്പെട്ടു. 71 ലക്ഷത്തിലേറെ പേര്‍ കൊവിഡ് മുക്തരായി.

കൊവിഡ് ബാധിതരില്‍ രണ്ടാമതുള്ളത് ബ്രസീലാണ്. 17.5 ലക്ഷം പേര്‍ക്കാണ് ബ്രസീലില്‍ കൊവിഡ് ബാധിച്ചത്. 69,254 പേര്‍ മരണപ്പെട്ടു. തൊട്ടു പിന്നാലെ ഇന്ത്യയാണുള്ളത്.

എന്നാല്‍ രാജ്യത്ത് കൊവിഡ് കേസുകള്‍ വര്‍ധിക്കുന്നതിനെ പ്രസിഡന്റ് ഡൊണാള്‍ഡ് ട്രംപ് ന്യായീകരിച്ചു. കൂടുതല്‍ പരിശോധന നടത്തുന്നതു കൊണ്ടാണ് കൂടുതല്‍ കൊവിഡ് കേസുകള്‍ സ്ഥിരീകരിക്കുന്നതെന്ന് ട്രംപ് പറഞ്ഞു. മറ്റു രാജ്യങ്ങളെ അപേക്ഷിച്ച് കൂടുതല്‍ ടെസ്റ്റിങ് നടത്തുന്നതാണ് വലിയ വ്യത്യാസം കാണിക്കുന്നത്. നമ്മള്‍ നാലു കോടി പേരില്‍ പരിശോധന നടത്തി. പകരം രണ്ടു കോടി പരിശോധനയാണ് നടത്തിയതെങ്കില്‍ പകുതിയായേനെ- ട്രംപ് പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.