2020 July 10 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഒന്നുകില്‍ ഉപാധികള്‍ അംഗീകരിക്കണം, അല്ലെങ്കില്‍ പിരിയാമെന്ന് ഖത്തറിനോട് യു.എ.ഇ

അബൂദബി: ഖത്തറിലെ ഉപരോധം നീക്കാന്‍ 13 ഉപാധികള്‍ അംഗീകരിക്കണമെന്ന നിര്‍ദേശം കൊണ്ടുവന്നതിനു പിന്നാലെ കടുത്ത ഭാഷയില്‍ മുന്നറിയിപ്പുമായി യു.എ.ഇ. ഒന്നുകില്‍ ഉപാധികള്‍ അംഗീകരിച്ച് ഒന്നിച്ചു പോവാമെന്നും അല്ലെങ്കില്‍ പിരിയാമെന്നും യു.എ.ഇ വിദേശകാര്യ മന്ത്രി അന്‍വര്‍ ഗര്‍ഗാഷ് പറഞ്ഞു.

പ്രശ്‌നത്തില്‍ മധ്യസ്ഥത്തിന് ശ്രമിക്കുന്ന കുവൈത്ത് മുഖേനയാണ് സഊദി നേതൃത്വത്തിലുള്ള അയല്‍രാജ്യങ്ങള്‍ 13 ഉപാധികള്‍ നല്‍കിയത്. ഇവ അംഗീകരിക്കുകയാണെങ്കില്‍ ഉപരോധവും ബഹിഷ്‌കരണവും ഒഴിവാക്കാമെന്നാണ് നിബന്ധന. എന്നാല്‍ ഉപാധികള്‍ അംഗീകരിക്കാനാവാത്തതെന്നു പറഞ്ഞ് ഖത്തര്‍ തള്ളിക്കളയുകയായിരുന്നു.

വ്യാഴാഴ്ചയാണ് ഉപാധികളുടെ പട്ടിക ഖത്തറിലെ വിദേശകാര്യ മന്ത്രാലയത്തിന് ലഭിച്ചത്. തുടക്കം മുതല്‍ ഖത്തര്‍ പറഞ്ഞുവരുന്ന കാര്യങ്ങള്‍ സ്ഥിരീകരിക്കുന്നതാണ് പട്ടികയെന്നും തീവ്രവാദത്തെ ചെറുക്കാനല്ല ഉപരോധമെന്നും ഖത്തര്‍ ആശയവിനിമയ ഡയരക്ടര്‍ ശൈഖ് സെയ്ഫ് ബിന്‍ അഹമ്മദ് ആല്‍ഥാനി പ്രതികരിക്കുകയും ചെയ്തു. ഇത് ഖത്തറിന്റെ പരമാധികാരത്തെ നിയന്ത്രിക്കുന്നതാണെന്നും അംഗീകരിക്കാനും നടപ്പിലാക്കാനുമാവാത്ത കാര്യങ്ങളാണെന്നും അദ്ദേഹം പറഞ്ഞു.


Read More… സഊദി സഖ്യം ഖത്തറിന് മുന്നില്‍ സമര്‍പ്പിച്ച 13 ഇന ഉപാധികള്‍


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.