2020 August 15 Saturday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ഫ്‌ളോയിഡ് വധം; ട്രംപിന്റെ വീഡിയോ ട്വിറ്റര്‍ നീക്കി

വാഷിങ്ടണ്‍: യു.എസില്‍ പൊലിസ് അതിക്രമത്തില്‍ കൊല്ലപ്പെട്ട ജോര്‍ജ് ഫ്‌ളോയിഡിന് ആദരമര്‍പ്പിച്ച് പ്രസിഡന്റ് ഡൊണാള്‍ഡ് ട്രംപ് ട്വീറ്റ് ചെയ്ത പ്രചാരണ വീഡിയോ ട്വിറ്റര്‍ നീക്കം ചെയ്തു.കോപ്പി റൈറ്റ് പരാതിയെ തുടര്‍ന്നാണ് വീഡിയോ നീക്കം ചെയ്തതെന്നാണ് വിശദീകരണം.
‘ഈ കൊള്ളക്കാര്‍ ജോര്‍ജ് ഫ്‌ളോയിഡിന്റെ ഓര്‍മയെ അവഹേളിക്കുകയാണ്. ഞാനത് അനുവദിക്കില്ല’ എന്നായിരുന്നു ട്രംപിന്റെ ട്വീറ്റ്. ജൂണ്‍ മൂന്നിനാണ് പ്രതിഷേധക്കാരുടെതുള്‍പ്പെടെയുള്ള 45 സെക്കന്റ് വീഡിയോ ട്രംപ് ട്വീറ്റ് ചെയ്തത്. ഫ്‌ളോയിഡിനെ പൊലിസ് കഴുത്തുഞെരിച്ച് കൊലപ്പെടുത്തിയതില്‍ പ്രതിഷേധിക്കുന്ന ജനത്തെ ട്രംപ് നേരത്തെ ഭീഷണിപ്പെടുത്തുകയും അവഹേളിക്കുകയും ചെയ്തിരിന്നു. പ്രതിഷേധക്കാരെ കൊള്ളക്കാരെന്ന് വിളിച്ച ട്രംപ് കൊള്ള തുടര്‍ന്നാല്‍ വെടിവച്ച് കൊല്ലുമെന്നും ഭീഷണിപ്പെടുത്തിയിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.