2019 September 16 Monday
വിശുദ്ധനും പാപിയും തമ്മില്‍ ആകെയുള്ള വ്യത്യാസം, വിശുദ്ധന് ഒരു ഭൂതകാലമുണ്ടായിരുന്നുവെന്നതും, പാപിയ്ക്ക് ഒരു ഭാവികാലമുണ്ടെന്നതും മാത്രം.

കാബൂളിലെ സ്‌ഫോടനം; താലിബാനുമായുള്ള ഇന്നത്തെ ചര്‍ച്ച അമേരിക്ക റദ്ദാക്കി

 

വാഷിങ്ടണ്‍: താലിബാന്‍ നേതാക്കളുുമായി ഇന്നു നടത്താനിരുന്ന ചര്‍ച്ച റദ്ദാക്കിയതായി അമേരിക്കന്‍ പ്രസിഡന്റ് ഡൊണാള്‍ട് ട്രംപ് അറിയിച്ചു. കാബൂളില്‍ യു.എസ് സൈനികന്റെ മരണത്തിനിടയാക്കിയ സ്‌ഫോടനത്തിന്റെ ഉത്തരവാദിത്തം താലിബാന്‍ ഏറ്റെടുത്തതിന് പിന്നാലെയാണ് ട്രംപിന്റെ നടപടി. സ്‌ഫോടനത്തില്‍ 12 പേരാണ് കൊല്ലപ്പെട്ടത്. ഇന്നു മേരിലാന്‍ഡിലെ ക്യാംപ് ഡേവിഡില്‍ കൂടിക്കാഴ്ച നടത്താനും അതിനുള്ള ഒരുക്കങ്ങള്‍ പൂര്‍ത്തിയാവുകയും ചെയ്തിരുന്നു. ഇന്നലെ കുറിച്ച ഏതാനും ട്വീറ്റുകളിലൂടെയാണ് ട്രംപ് ഇക്കാര്യം അറിയിച്ചത്. അഫ്ഗാന്‍ പ്രസിഡന്റുമായി ഉടന്‍ കൂടിക്കാഴ്ച നടത്തുന്നുണ്ടെന്നും ട്രംപ് അറിയിച്ചു.

അഫ്ഗാന്‍ സമാധാനനീക്കങ്ങള്‍ക്കായുള്ള അമേരിക്കന്‍ പ്രതിനിധി സല്‍മയ് ഖലിസാദ് താലിബാനുമായി കഴിഞ്ഞയാഴ്ച ധാരണയിലെത്തിയിരുന്നു. കരാര്‍ പ്രകാരം 20 ആഴ്ചക്കുള്ളില്‍ 5,400 ട്രൂപ്പ് സൈന്യത്തെ പിന്‍വലിക്കുമെന്ന് യു.എസ് താലിബാന് ഉറപ്പുനല്‍കിയിരുന്നു. കരാറിന് ട്രംപില്‍ നിന്ന് അന്തിമാനുമതി വാങ്ങാനിരിക്കെയാണ് പുതിയ സംഭവം. നിലവില്‍ 14,000 ട്രൂപ്പ് യു.എസ് സൈന്യമാണ് അഫ്ഗാനിലുള്ളത്.

Trump calls off US-Taliban peace talks after Kabul attack


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.