2020 February 27 Thursday
മധ്യേഷ്യൻ സമാധാന കരാർ ചൊവ്വാഴ്ച്ച പ്രഖ്യാപിക്കുമെന്ന് ട്രംപ്

സാമ്പത്തിക പ്രതിസന്ധി: ട്രക്ക് നിര്‍മാതാക്കളായ അശോക് ലൈലന്‍ഡ് ചെന്നൈ നിര്‍മാണശാല അഞ്ചുദിവസത്തേക്ക് അടച്ചിട്ടു

 

ചെന്നൈ: രാജ്യത്ത് വാഹന നിര്‍മാണ മേഖലയില്‍ പ്രതിസന്ധി രൂക്ഷമായിരിക്കെ, പ്രമുഖ ട്രക്ക് നിര്‍മാണ കമ്പനിയായ അശോക് ലൈലന്‍ഡ് ചെന്നൈ പ്ലാന്റ് അടച്ചിട്ടു. ഇന്നു മുതല്‍ അഞ്ചു ദിവസത്തേക്കാണ് പ്ലാന്റ് അടിച്ചിട്ടത്. നിര്‍മാണ ചെലവ് കുറയ്ക്കുന്നതിന്റെ ഭാഗമായാണ് നടപടി.

ഓഗസ്റ്റ് മാസത്തില്‍ ആഭ്യന്തര വിപണിയിലെ ട്രക്ക് വില്‍പ്പനയില്‍ കനത്ത ഇടിവ് രേഖപ്പെടുത്തിയിരുന്നു. വില്‍പ്പനയില്‍ 70 ശതമാനം കുറവുണ്ടായെന്നാണ് കമ്പനി റിപ്പോര്‍ട്ടില്‍ പറയുന്നത്.

ഞായറാഴ്ച അവധി കൂടാതെയാണ് കമ്പനി അഞ്ചു ദിവസത്തേക്ക് അടച്ചിട്ടത്. എന്നാല്‍ ഇതേപ്പറ്റി പ്രതികരിക്കാന്‍ അശോക് ലൈലന്‍ഡ് വക്താക്കള്‍ തയ്യാറായില്ല. സെപ്റ്റംബര്‍ 11 വരെ കമ്പനി പ്രവര്‍ത്തിക്കില്ല.

വാണിജ്യ വാഹന മാര്‍ക്കറ്റിലെ തുടര്‍ച്ചയായ മാന്ദ്യവും പ്രതിസന്ധിയും കാരണമാണ് നടപടിയെന്ന് ജീവനക്കാരെ കമ്പനി അറിയിച്ചു. കമ്പനിയുടെ താല്‍പര്യം പരിഗണിക്കാന്‍ കൃത്യമായ നടപടി ആവശ്യമാണെന്നും അറിയിപ്പില്‍ പറയുന്നു.

കടുത്ത മാന്ദ്യത്തെ തുടര്‍ന്ന് രണ്ടു ദിവസത്തേക്ക് പ്ലാന്റുകള്‍ അടച്ചിടാന്‍ രാജ്യത്തെ പ്രമുഖ കാര്‍ നിര്‍മാതാക്കളായ മാരുതി സുസുക്കിയും നേരത്തെ തീരുമാനമെടുത്തിരുന്നു. സെപ്റ്റംബര്‍ 7, 9 തിയ്യതികളിലാണ് ഗുരുഗ്രാം, മനീസാര്‍ പ്രാന്റുകള്‍ കമ്പനി അടച്ചിടുക.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News