2020 July 07 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

മുംബൈയില്‍ പെരുമഴ: വെള്ളത്തില്‍ മുങ്ങി റെയില്‍വേയും റോഡും

 

മുംബൈ: മഹാരാഷ്ട്രയുടെ ഒരു ഭാഗത്ത് കടുത്ത വരളര്‍ച്ച നേരിടുന്നതിനിടെ, മുംബൈ നഗരത്തില്‍ പെരുമഴ. ഇന്നലെ രാത്രി പെയ്ത കനത്ത മഴയില്‍ നഗരപാതകളും റെയില്‍പാതകളും വെള്ളം നിറഞ്ഞു.

പുലര്‍ച്ച നാലിനും അഞ്ചിനും ഇടയില്‍ 100 മില്ലി മീറ്റര്‍ മഴയാണ് രേഖപ്പെടുത്തിയത്. രാത്രി മൊത്തം 360 മില്ലി മീറ്റര്‍ മഴയാണ് മുംബൈയില്‍ പെയ്തത്.

നിരവധി റെയില്‍പാതകള്‍ വെള്ളത്തിനടിയിലായതോടെ പല ട്രെയിനുകളും റദ്ദാക്കി. മുംബൈ ലോക്കല്‍ ട്രെയിനുകളാണ് റദ്ദാക്കിയതില്‍ കൂടുതലും. ചില ദീര്‍ഘദൂര ട്രെയിനുകള്‍ വൈകിയോടുകയോ റദ്ദാക്കുകയോ ചെയ്തു.

മുംബൈ, താനെ, റായ്ഗഢ്, പാല്‍ഗഢ് എന്നിവിടങ്ങളില്‍ അടുത്ത മണിക്കൂറുകളിലും സമാനമായ മഴ തുടരുമെന്നാണ് കാലാവസ്ഥാ പ്രവചനം.

13 ട്രെയിനുകള്‍ റദ്ദാക്കിയതായി വെസ്റ്റേണ്‍ റെയില്‍വ്വേ അറിയിച്ചു. സുരക്ഷ ഉറപ്പാക്കാനായി മുംബൈ- അഹമ്മദാബാദ് ശദാബ്ദി അടക്കമുള്ള ചില ട്രെയിനുകളും നിയന്ത്രിച്ചിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.