2020 June 05 Friday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ബഹ്‌റൈനില്‍ അപകടകരമായ കളിപ്പാട്ടങ്ങള്‍ക്കെതിരെ മുന്നറിയിപ്പ്

50 കടകളില്‍ നിന്നായി 11,055 കളിപ്പാട്ടങ്ങള്‍ അധികൃതര്‍ പിടിച്ചെടുത്തു

ഉബൈദുല്ല റഹ്മാനി

 

മനാമ: ബഹ്‌റൈനില്‍ അപകടകരമായ കളിപ്പാട്ടങ്ങള്‍ക്കെതിരെ അധികൃതരുടെ മുന്നറിയിപ്പ്. അപകടകാരിയായ 11,055 കളിപ്പാട്ടങ്ങള്‍ അധികൃതര്‍ പിടിച്ചെടുത്തതായി ബഹ്‌റൈന്‍ വാണിജ്യവ്യവസായടൂറിസം മന്ത്രാലയത്തെ ഉദ്ദരിച്ച് ബഹ്‌റൈന്‍ വാര്‍ത്താ ഏജന്‍സി റിപ്പോര്‍ട്ടു ചെയ്തു.

കുട്ടികള്‍ക്ക് ദോഷകരമാകുന്ന കളിപ്പാട്ടങ്ങള്‍ ഉപയോഗിക്കരുതെന്നും അവ ശ്രദ്ധയില്‍പെട്ടാല്‍ പിടിച്ചെടുക്കുമെന്നും നേരത്തെ തന്നെ മുന്നറിയിപ്പ് നല്‍കിയിരുന്നുവെങ്കിലും ഇതു സംബന്ധിച്ച് പരിശോധനകള്‍ ഇപ്പോള്‍ ശക്തമാക്കിയിരിക്കുകയാണ്.

കഴിഞ്ഞ ദിവസം 50 കച്ചവട സ്ഥാപനങ്ങളില്‍ നിന്നായാണ് 11,055 കളിപ്പാട്ടങ്ങള്‍ അധികൃതര്‍ പിടിച്ചെടുതത്.

അപകടകരമായ ഇത്തരം കളിപ്പാട്ടങ്ങളോ അതിന്റെ ഭാഗങ്ങളോ അബദ്ധത്തില്‍ കുട്ടികളുടെ ശരീത്തിലായാല്‍ ഗുരുതരമായ ആരോഗ്യ പ്രശ്‌നങ്ങളുണ്ടാകുമെന്നും അധികൃതരുടെ മുന്നറിയിപ്പിലുണ്ട്.

മൊത്തക്കച്ചവടക്കാരുടെ അടുത്താണ് ഇത്തരം കളിപ്പാട്ടങ്ങള്‍ കൂടുതലും കണ്ടെടുത്തതെന്നു റിപ്പോര്‍ട്ടുണ്ട്. ഇവ ഉപയോഗിക്കുമ്പോള്‍ എടുക്കേണ്ട മുന്‍കരുതലുകളെക്കുറിച്ചോ എങ്ങിനെ സുരക്ഷിതമായി ഉപയോഗിക്കാം എന്നതിനെക്കുറിച്ചോ തങ്ങള്‍ക്ക് നിര്‍ദേങ്ങള്‍ ലഭിച്ചിട്ടില്ലെന്ന് അവര്‍ വ്യക്തമാക്കി.

എന്നാല്‍ കുട്ടികള്‍ക്ക് അപകടകരമായ കളിപ്പാട്ടങ്ങള്‍ വില്‍പന നടത്തുന്നതിന് വിലക്കുള്ളതായി മന്ത്രാലയത്തിലെ സ്റ്റാന്‍ഡേര്‍ഡ് ആന്റ് മെട്രോളജി വകുപ്പ് ഡയറക്ടര്‍ മുന അല്‍അലവി പ്രതകരിച്ചു.

മിക്ക കടയുടമകളും കളിപ്പാട്ടങ്ങള്‍ക്ക് ജി.സി.സി രാഷ്ട്രങ്ങള്‍ നിര്‍ണയിച്ചിട്ടുള്ള മാനദണ്ഡങ്ങള്‍ പാലിച്ചിട്ടില്ലെന്നും അതു കൊണ്ടു തന്നെ അവര്‍ക്കത് വില്‍പ്പന നടത്താന്‍ അനുവാദം നല്‍കില്ലെന്നും അവര്‍ വ്യക്തമാക്കി.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.