2019 July 16 Tuesday
മടിയന്മാരുടെയും മൂഢന്മാരുടെയും പ്രവൃത്തി ദിവസം എന്നും നാളെയായിരിക്കും

തുര്‍ക്കിയില്‍ 42 മാധ്യമപ്രവര്‍ത്തകര്‍ക്ക് പിടിവീഴും

അങ്കാറ: തുര്‍ക്കിയില്‍ 42 മാധ്യമപ്രവര്‍ത്തകര്‍ക്കെതിരേ അറസ്റ്റ്‌വാറണ്ട്. സ്വകാര്യ ടെലിവിഷന്‍ ചാനലായ എന്‍.ടി.വിയാണ് ഇക്കാര്യം റിപ്പോര്‍ട്ട് ചെയ്തത്. പ്രമുഖ കമന്റേറ്ററും മുന്‍ എം.പിയുമായ നാസില്‍ ലിക്കാക്കും വാറണ്ട് ലഭിച്ചവരില്‍ ഉള്‍പ്പെടും. പട്ടാള അട്ടിമറി ശ്രമവുമായി ബന്ധപ്പെട്ട് തുര്‍ക്കി ഇതാദ്യമായാണ് മാധ്യമപ്രവര്‍ത്തകര്‍ക്കെതിരേ നടപടി സ്വീകരിക്കുന്നത്.

നേരത്തെ 60,000 സൈനികര്‍, പൊലിസുകാര്‍, ജഡ്ജുമാര്‍, അധ്യാപകര്‍, സര്‍ക്കാര്‍ ഉദ്യോഗസ്ഥര്‍ എന്നിവരുള്‍പ്പെടെയുള്ളവരെ അറസ്റ്റ് ചെയ്തിരുന്നു. 37,500 സര്‍ക്കാര്‍ ജീവനക്കാരും പൊലിസുകാരും ഇതുവരെ സസ്‌പെന്‍ഷനിലാണ്. വിദ്യാഭ്യാസ വകുപ്പിലാണ് കൂടുതല്‍ പേര്‍ക്കും നടപടിയുണ്ടായത്.
സ്‌കൂളുകള്‍, സന്നദ്ധ സ്ഥാപനങ്ങള്‍, യൂനിയനുകള്‍, മെഡിക്കല്‍ സെന്ററുകള്‍ ഉള്‍പ്പടെ 2,341 സ്ഥാപനങ്ങള്‍ അടച്ചുപൂട്ടാനും ഉത്തരവിട്ടിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.