2020 August 11 Tuesday
കോവിഡിനെതിരെ പ്രതിരോധം ശക്തമാക്കി ബഹ്റൈന്‍; രാജ്യത്ത് പരീക്ഷണാടിസ്ഥാനത്തില്‍ ഇനി പ്ലാസ്മ ചികിത്സയും

ജോര്‍ജ് ഫ്‌ളോയിഡ് വധം: മൂന്നു പൊലീസ് ഓഫീസര്‍മാര്‍ക്കെതിരെ കേസെടുത്തു

മിനിയപ്പലിസ്: ജോര്‍ജ് ഫ്‌ലോയ്ഡ് പൊലീസ് കസ്റ്റഡിയില്‍ മരിക്കാനിടയായ സംഭവത്തില്‍ പ്രധാനപ്രതിക്കു പുറമെ മൂന്നു പൊലീസ് ഉദ്യോഗസ്ഥരെ കൂടെ കേസില്‍ ഉള്‍പ്പെടുത്തി അറസ്റ്റു ചെയ്തു. ടൊ താഹൊ, തോമസ് ലെയ്ന്‍, ജൊ അലക്‌സാണ്ടര്‍ എന്നിവരാണ് അറസ്റ്റിലായത്. ഫ്‌ലോയ്ഡിനെ ശ്വാസം മുട്ടിച്ചു കൊന്നു എന്ന് പറയപ്പെടുന്ന ഓഫീസര്‍ ഡെറക് ചോവിനെതിരെ കൊലപാതകകുറ്റമാണു ചുമത്തിയിരിക്കുന്നത്. 40 വര്‍ഷം വരെ ശിക്ഷ ലഭിക്കാവുന്ന കുറ്റമാണിത്. കൊലപാതകത്തിന് കൂട്ടുനിന്നുവെന്നാണ് മറ്റുള്ള മൂന്നു പേര്‍ക്കെതിരെയുള്ള കേസ്.മിനിസോട്ട അറ്റോര്‍ണി ജനറല്‍ കീത്ത് എല്ലിസനാണ് പുതിയ വിവരങ്ങള്‍ വെളിപ്പെടുത്തിയത്.

ഫ്‌ലോയ്ഡിന്റെ മരണത്തെ തുടര്‍ന്നു രാജ്യത്താകമാനം പ്രതിഷേധവും ആക്രമണവും ശക്തമാകുന്നതിനിടെ, അറ്റോര്‍ണി ജനറലിന്റെ പുതിയ പ്രഖ്യാപനം സമരത്തിന്റെ തീവ്രത കുറയ്ക്കുമെന്നാണ് കരുതപ്പെടുന്നത്.

ഇതിനിടയില്‍ ജോര്‍ജ് ഫ്‌ലോയ്ഡിന്റെ ഓട്ടോപ്‌സി റിപ്പോര്‍ട്ട് പുറത്തു വന്നു. 20 പേജുള്ള റിപ്പോര്‍ട്ടില്‍ ഏപ്രില്‍ മാസം കൊറോണ വൈറസ് പോസീറ്റിവായിരുന്നുവെന്ന് രേഖപ്പെടുത്തിയിട്ടുണ്ട്. പൊലീസ് ഫ്‌ലോയ്ഡിനെ ബലപ്രയോഗത്തിലൂടെ കീഴ്‌പ്പെടുത്തിയപ്പോള്‍ ഹൃദ്രോഗം ഉണ്ടായതായും റിപ്പോര്‍ട്ടിലുണ്ട്. എന്നാല്‍ മരണം കൊലപാതകമായിട്ടാണു രേഖപ്പെടുത്തിയിരിക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.