2019 February 20 Wednesday
യുക്തിയും ശാന്തമായി തീരുമാനമെടുക്കാനുള്ള കഴിവുമാണ് ഒരു നേതാവിനുവേണ്ട വിശിഷ്ടഗുണങ്ങള്‍ -കോര്‍ണിലിയസ് ടാസിറ്റസ്‌

രാജസ്ഥാനില്‍ യുവതിയെ മരത്തില്‍ കെട്ടിയിട്ടു മര്‍ദിച്ചു, വീഡിയോ പുറത്തുവിട്ടും ക്രൂരത; മൂന്നു പേര്‍ പിടിയില്‍

ജയ്പൂര്‍: രാജസ്ഥാനില്‍ 32 വയസ്സുകാരിയെ മരത്തില്‍ കെട്ടിയിട്ട് മര്‍ദിച്ച് ദൃശ്യങ്ങള്‍ സാമൂഹ്യമാധ്യമങ്ങള്‍ വഴി പുറത്തുവിട്ടു. ഝുന്‍ഝുനു ജില്ലയിലാണ് ക്രൂരമായ സംഭവം. സ്വത്തു തര്‍ക്കത്തേത്തുടര്‍ന്നാണ് സംഭവമെന്നാണ് റിപ്പോര്‍ട്ടുകള്‍.

സംഭവത്തില്‍ മൂന്നുപേരെ പൊലിസ് പിടികൂടിയിട്ടുണ്ട്. ജൂലൈ ആറിനായിരുന്നു മര്‍ദനമെന്ന് പൊലിസ് പറഞ്ഞു.

യുവതി ഭര്‍ത്താവിനും മകനുമൊപ്പമാണ് ജീവിക്കുന്നത്. യുവതിയുടെ ഭര്‍തൃസഹോദരന്‍ മനിറാമുമായി ഇടയ്ക്കിടെ സ്വത്തുതര്‍ക്കം ഉണ്ടാവാറുണ്ടെന്നും പൊലിസ് പറഞ്ഞു.

ജൂലൈ ആറിന് മനിറാം ഈ സ്ഥലത്ത് ട്രാക്ടര്‍ ഓടിച്ചെത്തി. ഇതുകണ്ട യുവതി ഇയാളെ തടഞ്ഞതോടെയാണ് കെട്ടിയിട്ടു മര്‍ദിച്ചത്. മനിറാമും കുടുബാംഗങ്ങളും ചേര്‍ന്നാണ് യുവതിയെ കെട്ടിയിട്ടു മര്‍ദിച്ചത്. സംഭവത്തില്‍ കൂടുതല്‍ അന്വേഷണം നടന്നുവരികയാണെന്ന് പൊലിസ് പറഞ്ഞു.


 

 

 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.